Нун огълу Ехошуа 24:27 - Мукъаддес Китап

²⁷ – Мына, – деди Ехошуа халкъкъа, – бу таш бизге шаат олсун, чюнки о, РАББИнинъ бугунь сизге айткъан эписи сёзлерини эшитти. Алланъыздан вазгечсенъиз, о сизге къаршы шаат оладжакъ.

Нун огълу Ехошуа 24:27 ပူးပေါင်းရင်းမြစ်များ

Эюп акъкъында китап 31:23

Амма мен Алладан келеджек джезадан къоркъам, Онынъ буюклигине къаршы турып оламам.

Эюп акъкъында китап 31:28

Бу да джезаланаджакъ шей олур эди, чюнки о вакъыт Юдже Алладан вазгечир эдим.

Икметли сёзлер 30:9

Ёкъса боллукъ корип, мен: «Кимдир о РАББИ?» – айтарым да, Сенден ред этерим, я да фукъарелешип, хырсызлыкъкъа урулырым ве Алламнынъ Адыны лекелерим.

Ешая 1:2

Эй, коклер, динъленъиз! Эй, ер юзю, къулакъ ас! РАББИ бойле дей: – Мен огъулларымны тербиелеп осьтюрдим, олар исе Манъа къаршы чыкътылар.

Ешая 59:13

РАББИге къаршы чыкътыкъ, Ондан вазгечтик, Алламыздан юзь чевирдик. Зорбалыкъ ве хаинлик акъкъында айттыкъ, ялан сёзлерини тюшюнип, сёйледик.

Хавакъкъукъ 2:11

Диварларнынъ ташлары къычыраджакъ, агъач керишлер оларгъа джевапланаджакъ:

Сайылар 11:20

бир ай боюнджа, о, бурнунъыздан чыкъып козюнъиз корип оламагъандже ашайджакъсынъыз. Чюнки аранъызда олгъан РАББИден вазгечтинъиз ве Онынъ огюнде: “Неге керек эди бизге Мысырдан чыкъып кетмеге?” – деп агъладынъыз».

Матта 10:33

Менден инсанлар алдында вазгечкен адамдан исе Мен Коклердеки Бабамнынъ алдында вазгечеджем.

Лука 19:40

О исе оларгъа джевап берип: – Сизге айтам: эгер оларнынъ сеслери кесильсе, ташлар къычыраджакълар! – деди.

Къануннынъ текрары 30:19

Коклер ве ер юзю бизге шаат олсунлар: мен сенинъ огюнъде яшайыш ве олюм, багъышлавлар ве къаргъышларны къойдым. Яшайышны сайлап ал, ве сен эвлядынънен яшарсынъ.

Къануннынъ текрары 31:19

Энди бу йырны язып ал ве Исраиль огъулларына огрет. Оларгъа къаршы шаатлыгъым олсун деп, оны агъызларына къой.

Къануннынъ текрары 31:21

Сонъ, оларнынъ башларына чокъ беляларнен къазалар тюшкенинен, бу тюркю оларгъа къаршы шаатлыкъ олур, эвлятлары оны унутмайджакълар. Мен деделерине ант эткен топракъкъа оларны кирсетмезден эвель, оларнынъ бугуньки ниетлерини билем.

Къануннынъ текрары 31:26

– Бу Къанун Китабыны алып, оны Алланъыз олгъан РАББИнинъ Васиет Сандыгъынынъ янына къоюнъыз. О, анда сизге шаатлыкъ олур.

Къануннынъ текрары 32:1

– Къулакъ асынъыз, коклер, мен айтаджагъым, динъле, ер юзю, агъзымдан чыкъаджакъ лафларны.

Къануннынъ текрары 4:26

бугунь кок ве ерни шаат оларакъ чагъырып ант этем ки, бу топракътан мытлакъа тез-тез гъайып оладжакъсынъыз. Онынъ саиплери олмакъ ичюн, сиз бугунь Иорданны кечсенъиз де, анда чокъ вакъыт яшамайджакъсынъыз, лякин мытлакъа ёкъ оладжакъсынъыз.

Титке 1:16

Олар Алланы къабул эткенлери акъкъында айталар, амма озь ишлеринен Оны ред этелер. Олар сёз динълемеген, ич бир яхшы шейге ярамагъан пис адамлардыр.

Нун огълу Ехошуа 22:34

Рубен ве Гъад огъуллары: «О, бизим шаатымыздыр: Алла – РАББИдир», – дегенлери ичюн, къурбан ерини «Шаат» деп адландырдылар.

Нун огълу Ехошуа 24:28

Сонъ Ехошуа халкъны озь топракъ пайларына йиберди.

Сырларнынъ ачылувы 3:8

Сенинъ ишлеринъни билем. Мына, огюнъдеки къапуны ачтым, оны ич кимсе къапатып оламайджакъ. Сенинъ кучюнъ чокъ дегиль, амма Меним сёзюмни сакъладынъ, Адымны инкяр этмединъ.

1 Падишалар 7:12

Смаил бир таш алып, Мицпа ве Шен арасында къойды. – РАББИ бизге шу ергедже ярдым этти, – деп, ташкъа Эвен-Хаэзер деген ад къойды.