Нун огълу Ехошуа 23:7 - Мукъаддес Китап

⁷ Аранъызда къалгъан халкъларнен достлашманъыз, аллаларынынъ адларыны анъып кечменъиз, аллаларынен емин этменъиз ве оларгъа табынып хызмет этменъиз.

Нун огълу Ехошуа 23:7 ပူးပေါင်းရင်းမြစ်များ

4 Падишалар 17:12

РАББИ ясакъ эткен пис путларгъа хызмет эттилер.

4 Падишалар 5:18

Тек бир шейни РАББИ багъышласын: меним падишам Риммон путунынъ эвине ибадетке баргъанда, меним къолума таянгъанда, мен де Риммоннынъ эвинде ибадет этерим. Меним ибадетим ичюн РАББИ мени, къулунъны, багъышласын, – деди.

2 Тарих вакъиалары 7:19

Эгер де сиз чевирильсенъиз ве Мен берген низамнамелеримни ве эмирлеримни ташлап кетсенъиз, эгер сиз барып, башкъа аллаларгъа хызмет этсенъиз ве оларгъа табынсанъыз,

Зебур 16:4

Сенинъ сёзлеринъе коре, мен адамларнынъ ишлеринде зулумлыкъ ёлларындан озюмни сакъладым.

Чыкъыш 20:5

Оларгъа седждеге къапанып ибадет этме. Мен – РАББИм, сенинъ Алланъдырым, куньджю Аллам. Мени кореджек козю олмагъан бабаларнынъ къабаатлары ичюн балаларыны учюнджи ве дёртюнджи несильгедже джезалайым.

Чыкъыш 23:13

Мен сизге бутюн айткъан шейлеримни тутунъыз. Башкъа аллаларнынъ адларыны анъманъыз, олар агъызларынъыздан чыкъмасын.

Чыкъыш 23:33

Сизни Манъа къаршы гунагъа батырмамакъ ичюн, олар топрагъынъызда яшамасынлар. Эгер сиз оларнынъ аллаларына хызмет этсенъиз, бу сизге къапкъан олур.

Икметли сёзлер 4:14

Ярамайларнынъ ёлуна аякъ басма, яманларнынъ ёлундан да юрме.

Йирмея 12:16

Халкъыма Баалнынъ адынен ант этмеге огреткенлери киби, Меннен, РАББИнинъ Адынен ант этмеге ве халкъымнынъ ёлундан юрмеге огренселер, халкъымнынъ арасында яшамагъа ерлери оладжакъ.

Йирмея 5:7

– Насыл этип, санъа буны багъышлайым? Огъулларынъ Менден вазгечтилер, алла олмагъанларынен ант этип башлады. Мен оларны тойдура эдим, олар исе ороспулана, топ-топ ороспуларнынъ эвлерине бара эди.

Хошеа 2:17

Агъзынъдан Баал путларынынъ адларыны узакълаштыраджагъым, ве адлары бир даа анъылмайджакъ.

Цефанья 1:5

Эм эвлернинъ тёпелеринде коклернинъ ордусына ибадет эткенлерни, эм РАББИге садыкълыгъына ант этип, шу аньде Милкъомгъа садыкъ къалгъанларны,

Сайылар 32:38

Нево, Баал-Меон (буларнынъ адлары денъиштирильди) ве Сивма. Къургъан шеэрлерге олар янъы адлар бердилер.

Сайылар 33:55

Лякин эгер топракъта яшагъанларны къуваламасанъыз, олардан сагъ къалдырылгъан халкъ сизинъ козьлеринъизге ярчыкъ, янбашларынъызгъа тикен оладжакълар, сиз яшайджакъ топракъта олар сизни раатсыз этеджеклер.

1 Коринтлилерге 15:33

Амма алданманъыз: «Яман ёлдашлар яхшы адамны бозар».

Эфеслилерге 5:11

Къаранлыкънынъ мейвасыз ишлерине къошулманъыз, аксине, оларны ачыкъкъа чыкъарынъыз,

Къануннынъ текрары 10:20

Алланъ олгъан РАББИден къоркъ, Онъа хызмет эт, Онъа япыш ве Онынъ Адынен ант эт.

Къануннынъ текрары 6:13

Алланъ олгъан РАББИден къоркъ, Онъа хызмет эт ве тек Онынъ Адынен ант эт.

Къануннынъ текрары 6:14

Башкъа аллаларнынъ, чевре-четинъизде олгъан халкъларнынъ аллаларынынъ пешинден кетме.

Нун огълу Ехошуа 23:12

Эгер сиз юзюнъизни РАББИден чевирип, аранъызда къалгъан бу халкъларнен бирлешсенъиз ве оларгъа эвленип, бири-биринъизге къатнасанъыз,

Нун огълу Ехошуа 23:8

Лякин бу куньге къадар япкъанынъыз киби, Алланъыз олгъан РАББИге япышынъыз.