Нун огълу Ехошуа 22:25 - Мукъаддес Китап

²⁵ Эй, Рубен огъуллары ве Гъад огъуллары, РАББИ бизим ве сизинъ ортанъызгъа сынъыр оларакъ Иорданны къойды. РАББИде сизинъ къысметинъиз ёкътыр», – айткъанларындан къоркъып, яптыкъ. Бойледже, огъулларынъыз бизим огъулларымызгъа РАББИге ибадет этмек ичюн ёл бермез эдилер.

Нун огълу Ехошуа 22:25 ပူးပေါင်းရင်းမြစ်များ

2 Падишалар 20:1

Шу ерде ярамай бир биньяминли адам – Бикрийнинъ огълу Шева бар эди. О, бору чалып: – Давутта бизим пайымыз ёкъ! Йишай огълунда мирасымыз ёкъ! Эй, исраиллилер, эр биринъиз озь чадырынъызгъа къайтынъыз! – деди.

3 Падишалар 12:16

Бутюн исраиллилер, падиша оларны динълемегенини корип, падишагъа джевап берип: – Давуттан бизге не файда? Йишай огълунда бир пайымыз ёкъ. Эй, Исраиль! Эвлеринъизге къайт! Сен де, Давут, озь сюляленъе озюнъ бакъ! – дедилер, ве бутюн Исраиль озь чадырларына къайтты.

3 Падишалар 14:16

Еровоамнынъ гуналары ичюн ве Исраильни гуналаргъа батыргъаны ичюн, РАББИ Исраильни душманларынынъ къолларына береджек», – деди.

3 Падишалар 15:30

О, шуны Еровоам япкъан гуналары ве бутюн Исраильни гуналаргъа батыргъаны ичюн, Исраильнинъ Алласы олгъан РАББИни ачувландыргъаны ичюн япты.

Нехемья 2:20

Мен оларгъа джевап берип, шойле дедим: – Коклернинъ Алласы бизим ярдымджымыз оладжакъ. Бизлер де, Онынъ къуллары, къурмагъа башлайджакъмыз. Сизинъ исе Ерусалимде не пайынъыз, не акъкъынъыз оладжакъ, сизинъ адларынъыз да мында анъылмайджакъ.

Зебур 16:5

Адымларымны Сенинъ ёлларынъда туттым, меним аякъларым таймады.

Фаалиет 8:21

Бу иште сенинъ не акъкъынъ, не къысметинъ бар, чюнки Алланынъ огюнде юрегинъ догъру дегиль.

Нун огълу Ехошуа 22:24

Биз буны, илериде сизинъ огъулларынъыз бизим огъулларымызгъа: «Сизинъ Исраиль Алласы, РАББИнен не алып береджегинъиз бар?

Нун огълу Ехошуа 22:26

Онынъ ичюн биз бойле деп тюшюндик: озьлеримизге къурбан ери къурайыкъ, лякин бутюнлей якъыладжакъ къурбанларны чалмайджакъмыз, анда башкъа къурбанларны да кетирмейджекмиз.

Нун огълу Ехошуа 22:27

О бизге, сизге ве келеджектеки несиллеримизге шаат олсун: биз де акъикъий къурбан еринде бутюнлей якъыладжакъ къурбанларны ве башкъа къурбанларны кетирмек ве аманлыкъ къурбанларыны чалмакъ ве бойледже РАББИге хызмет этмек мумкюнмиз. Сонъ сизинъ огъулларынъыз бизим огъулларымызгъа: «РАББИде сизинъ къысметинъиз ёкътыр», – айтмазлар.

1 Падишалар 26:19

Шимди падиша-эфендим, къулунънынъ сёзлерине къулакъ ас: эгер сени манъа къаршы РАББИ догъурткъан олса, Онъа къурбан олсун. Эгер де инсан огъуллары олса, РАББИнинъ огюнде оларгъа лянет олсун, чюнки олар мени къувалап, бугунь РАББИнинъ мирасы олгъан пайымдан узакълаштыралар ве: «Бар, кет, ят аллаларгъа хызмет эт», – дейлер.