Нун огълу Ехошуа 2:3 - Мукъаддес Китап

³ Ерихон падишасы Рахавгъа бойле айтмакъ ичюн, адамларны ёллады: – Санъа келип, эвинъе кирген адамларны теслим эт. Олар бутюн бу топракъны корьмек ичюн кельдилер.

Нун огълу Ехошуа 2:3 ပူးပေါင်းရင်းမြစ်များ

Башланув 38:24

Учь ай къадар кечкен сонъ, Ехудагъа: – Келининъ Тамар ороспулыкъ эткен. О, ороспулыкътан энди юклю, – дедилер. – Оны тышкъа чыкъарынъыз да, – деди Ехуда, – якъынъыз!

Башланув 42:31

Биз онъа: «Биз намуслы адамлармыз, джасус дегильмиз.

2 Падишалар 10:3

Лякин аммонлы мырзалары Ханунгъа: – Сен не беллейсинъ, Давут бабанъа урьмет этмек ичюн санъа адам йибердими? Давут озь хызметчилерини шеэрни бакъмагъа, эр ерни айланып чыкъып, сонъра оны тар-мар этмеге йибермедими экен? – дедилер.

2 Падишалар 17:20

Авишаломнынъ къуллары къадыннынъ эвине келип: – Ахимаац ве Ехонатан къайда? – деп сорадылар. Къадын оларгъа: – Олар озенни кечип кеттилер, – деди. Олар къыдыра-къыдыра, бир шей тапмайып, Ерусалимге къайттылар.

1 Тарих вакъиалары 19:3

Лякин аммонлы мырзалар Ханунгъа бойле дедилер: – Сен не беллейсинъ, Давут бабанъа урьмет этмек ичюн санъа адам йибердими? Давут озь хызметчилерини шеэрни бакъмагъа, эр ерни айланып чыкъып, сонъра оны тар-мар этмеге йибермедими экен?

Эюп акъкъында китап 21:30

Беля куню яман адам къорчаланыр, гъазап куню о сакъланып къалыр.

Левийлилер 24:14

– Куфюр лаф айткъан огъланны ордудан тыш чыкъар. Айткъанларыны эшиткен эр кес онынъ башына къолларыны къойсун да, бутюн джемаат оны ташнен урып ольдюрсин.

Юхан 19:4

Сонъ Пилат кене тышарыгъа чыкъып, халкъкъа: – Мына, Оны огюнъизге чыкъараджам. Билинъиз: мен Онда ич бир къабаат тапмадым! – деди.

Фаалиет 12:4

Пётрны якъалап, зиндангъа ташлады, оны къаравулламакъ ичюн эр бири дёрт аскерден ибарет олгъан дёрт группагъа буюрды. Ирод Пётрны Песах Байрамындан сонъ халкънынъ огюне чыкъарып, укюм этмеге истей эди.

Фаалиет 12:6

Ирод оны халкънынъ огюне чыкъармагъа истеген куньден эвельки геджеси Пётр эки аскернинъ ортасында, эки зынджырнен багъланып юкълай эди. Къапунынъ янындаки къаравуллар исе зинданны къаравуллай эдилер.

Нун огълу Ехошуа 10:23

Ойле де яптылар. Къобадан онъа беш падишаны: Ерусалимнинъ падишасыны, Хевроннынъ падишасыны, Ярмутнынъ падишасыны, Лакишнинъ падишасыны ве Эглоннынъ падишасыны алып кельдилер.

Нун огълу Ехошуа 2:2

Ерихоннынъ падишасына: «Мына бу геджеси мында Исраиль огъулларындан насылдыр адамлар бизим топрагъымызны корьмек ичюн кельдилер», – деп етиштирдилер.

Нун огълу Ехошуа 2:4

Апай исе о эки адамны сакълагъан эди. О: – Керчек, бу адамлар манъа кельдилер, лякин олар къайдан олгъанларыны мен бильмедим.

Къадылар 4:20

– Чадырнынъ къапусында тур, – деди Сисера. – Эгер бир кимсе келип, сенден: «Мында бирде-бир акъай бармы?» – деп сораса, «Кимсе ёкъ», – деп джевап бер.