Нун огълу Ехошуа 2:24 - Мукъаддес Китап

²⁴ Сонъ Ехошуагъа: – РАББИ бутюн бу топракъны бизим къолумызгъа берди. О ернинъ эписи яшагъанларынынъ бизден отьлери патлай, – дедилер.

Нун огълу Ехошуа 2:24 ပူးပေါင်းရင်းမြစ်များ

Чыкъыш 15:15

О заман Эдом башлыкълары титрерлер, Моав ёлбашчыларыны къоркъу басар, Ханааннынъ эписи сакинлери мугъайырлар.

Чыкъыш 23:31

Сынъырларынъызны Къызыл денъизден башлап, фелестинлилернинъ денъизинедже ве сахрадан башлап, улу Фират дерьясынадже кечиририм. Бу ернинъ сакинлерини сизге берерим, ве сиз оларны юзюнъиз огюнден къуварсынъыз.

Икметли сёзлер 25:13

Ишанчлы эльчи оны ёллагъан саиби ичюн – оракъ вакътында къар салкъыны киби, эфендисининъ джанына о, кучь-къувет къайтара.

Нун огълу Ехошуа 1:8

Бу Теврат китабынынъ сёзлери даима агъзынъда олсун. Бу китапны гедже-куньдюз огрен ве анда язылгъаннынъ эписини тыпкъы-тыпкъына беджер. Сонъ ишлеринъ онъундан келир, ве эр ишке акъылнен янашарсынъ.

Нун огълу Ехошуа 2:23

Бундан сонъ бу эки адам артларына къайттылар. Дагъдан тюштилер ве озенни кечип, Нун огълу Ехошуагъа кельдилер, онъа оларнен олып кечкен эр бир шей акъкъында айтып бердилер.

Нун огълу Ехошуа 5:1

РАББИ Иорданнынъ сувларыны, Исраиль огъуллары кечсинлер деп, къуруткъаныны денъизге тараф Иорданнынъ гъарп тарафында яшагъан эписи аморлы падишалар ве денъиз янындаки эписи ханаанлы падишалар эшиттилер. Къоркъудан оларнынъ отьлери патлады, ве Исраиль огъулларына къаршы турмакъ ичюн джесюрликлери къалмады.

Нун огълу Ехошуа 6:2

Аранъыздан дженкке ярагъан эр кес куньде бир кере, алты кунь девамында шеэрни айланып юрсюн.

Нун огълу Ехошуа 8:1

РАББИ Ехошуагъа: – Къоркъма, рухтан тюшме! Дженклешмеге ярагъан бутюн халкъны янынъа алып, Ай шеэрине дженкнен кет, – деди. – Мына, Мен сенинъ къолунъа Ай падишасыны, онынъ халкъыны, шеэрини ве топрагъыны бердим.

Къадылар 1:2

РАББИ оларгъа: – Ехуда чыкъаджакъ. Мен энди топракъны онынъ къолуна бердим, – деди.

Къадылар 18:10

Биз анда кельгенде, гъамсыз яшагъан адамларны тападжакъмыз. Оларнынъ топрагъы да пек чокъ. Алла сизинъ къолунъызгъа бу мемлекетни энди берди. О топракъларда бир шейде етишмемезлик ёкъ! – дедилер.

Къадылар 7:9

Шу гедже РАББИ Гидонгъа: – Ашагъы тюш де, оларнынъ ордусына уджюм эт. Мен оларны сенинъ къолунъа бердим.