Нун огълу Ехошуа 17:14 - Мукъаддес Китап

¹⁴ Юсуфнынъ огъуллары Ехошуадан: – РАББИ бизни багъышлагъаны киби чокъ сайылы олгъанымызгъа бакъмадан, не ичюн сен бизим топракъ пайымызгъа бир джереп чекип, тек бир пайны бердинъ? – деп сорадылар.

Нун огълу Ехошуа 17:14 ပူးပေါင်းရင်းမြစ်များ

Башланув 48:19

Лякин бабасы разы олмады ве: – Мен билем, огълум, билем, – деди. – Ондан да халкъ асыл оладжакъ, о да буюк оладжакътыр. Лякин онынъ кичик къардашы ондан буюк оладжакъ, ве онынъ эвлятларындан чокъ халкълар асыл оладжакълар.

Башланув 48:20

Исраиль оларны о куню ойле сёзлернен багъышлады: – Исраиллилер: «Алла санъа Эфраимнен Менашшенинъ къысметини берсин», – деп, сенинъ адынънен багъышлайджакълар. Бойле этип, Исраиль Эфраимни Менашшеден буюк этти.

Башланув 48:22

Санъа мен агъа-къардашларынъдан чокъча бир ер пайыны берем. Мен оны аморлылардан яй ве къылычнен енъип алдым.

Ехезкель 48:5

Менашшенинъ пайынен сынъырлангъан, шаркътан гъарпкъадже узангъан топракъ Эфраимнинъ пайы оладжакъ.

Сайылар 13:7

Ехуда къабилесинден – Ефунненинъ огълу Къалев,

Сайылар 26:54

Сайысы чокъча олгъанларгъа буюк пайны, сайысы азджа олгъанларгъа кучюк пайны бер. Эр къабилеге джедвельде язылгъан сайысына коре, адам башына коре пай берильсин.

Сайылар 36:12

Бойледже, къызлар Юсуфнынъ огълу Менашше огъулларынынъ сойларындаки огъланларгъа акъайгъа чыкътылар, ве топракъ пайлары бабасы къабилесининъ сойларында къалды.

Нун огълу Ехошуа 16:4

Юсуфнынъ огъуллары Менашше ве Эфраим озь топракъ пайларыны алдылар.

Нун огълу Ехошуа 17:15

– Эгер сиз чокъ сайылы олсанъыз, – деди Ехошуа, – ве Эфраим дагъы сизге тарашлыкъ этсе, ормангъа барып, озьлеринъизге перизлилер ве рефалыларнынъ топракъларында ер темизлеп алынъыз.