Нун огълу Ехошуа 15:47 - Мукъаддес Китап

⁴⁷ Ашдод ве этрафындаки эписи шеэрлер ве койлер; Гъаза ве этрафындаки эписи шеэрлер ве койлер. Сынъырлары Мысыр вадийи ве улу денъизге къадар узана эди.

Нун огълу Ехошуа 15:47 ပူးပေါင်းရင်းမြစ်များ

3 Падишалар 5:4

Шимди исе РАББИ-Таалям манъа эр тарафтан тынчлыкъ берди: душманларым да ёкъ, къаза-белялар да ёкъ.

4 Падишалар 18:8

О, Гъазагъадже чевре-четиндеки къаравул къуллесинден башлап пекитильген шеэрлерге баргъандже, эр ерде фелестинлилерни енъди.

2 Тарих вакъиалары 26:6

Уззия фелестинлилернен дженклешмеге барды ве Гъат, Явне ве Ашдод шеэрлерининъ диварларыны йыкътырды. Сонъра Ашдод якъынларында ве Фелестин топракъларында шеэрлер къурды.

Чыкъыш 23:31

Сынъырларынъызны Къызыл денъизден башлап, фелестинлилернинъ денъизинедже ве сахрадан башлап, улу Фират дерьясынадже кечиририм. Бу ернинъ сакинлерини сизге берерим, ве сиз оларны юзюнъиз огюнден къуварсынъыз.

Йирмея 47:1

Фыравун Гъаза шеэрини урмаздан эвель, РАББИден Йирмея пейгъамберге фелестинлилер акъкъында бойле хабер кельди:

Йирмея 47:5

Гъазада яшагъанларнынъ башлары тыраш этиледжек, Ашкелон шеэринде сеслер эшитильмейджек. Вадийде къалгъанлар! Беденлеринъизни даа чокъ яралайджакъсызмы?

Цефанья 2:4

Гъаза бом-бош къаладжакъ, Ашкелон да йыкъыладжакъ, Ашдод купе-куньдюз сюргюн этиледжек, Экрон да бутюнлей ёкъ этиледжек.

Фаалиет 8:26

Филипке Раббининъ Мелеги келип: – Еринъден тур! Дженюп тарафкъа, Ерусалимден Гъазагъа баргъан сахра ёлуна бар! – деди.

Къануннынъ текрары 2:23

Къафтор адасындан чыкъкъан къафторлылар исе, Гъаза шеэринедже койлерде яшагъан аввалыларны ёкъ этип, оларнынъ ерлеринде ерлешкен эди.)

Нун огълу Ехошуа 11:22

Исраиллилернинъ топрагъында анакълылардан бири къалмады. Олар тек Гъаза, Гъат ве Ашдод шеэрлеринде къалдылар.

Нун огълу Ехошуа 13:3

Мысырдан шаркъта яткъан Шихор дерьясындан башлап, шимальде яткъан Экроннынъ сынъырларынадже, ханаанлыларнынъ деп сайылгъан, амма беш фелестинли укюмдарларнынъ топрагъы – Гъаза, Ашдод, Ашкелон, Гъат ве Экрон шеэрлери ве аввалыларнынъ виляетлери.

Нун огълу Ехошуа 15:4

Сонъ Ацмондан кечип, Мысырнынъ сынъырында олгъан вадийге тараф котерилип, Акъ денъиз янында бите эди. Будыр оларнынъ дженюп сынъыры.

Нун огълу Ехошуа 15:46

Экрондан гъарпта яткъан – Ашдоднынъ янында олгъан эписи шеэрлер койлеринен берабер;

Нун огълу Ехошуа 15:48

Дагъларда олгъан шеэрлер: Шамир, Яттир, Сокъо,