Нун огълу Ехошуа 14:1 - Мукъаддес Китап

¹ Ханаан топрагъында исраиллилер алгъан топракъ пайлары будыр. Бу пайларны оларгъа руханий Элазар, Нун огълу Ехошуа ве Исраиль огъуллары къабилелерининъ сой башлыкълары болип бердилер.

Нун огълу Ехошуа 14:1 ပူးပေါင်းရင်းမြစ်များ

Узеир 7:5

Буккий – Авишуанынъ огълу, Авишуа – Пинехаснынъ огълу, Пинехас – Элазарнынъ огълу, Элазар – баш руханий Харуннынъ огълу эди)

Ехезкель 45:1

Джерепке коре топракъны пайлагъанда, РАББИге азиз котериледжек бахшыш оларакъ топракънынъ бир къысмыны айырынъыз. Он эки бучукъ километр узунлыгъында ве он километр кенълигинде пайны айырынъыз. Бу пай эписи сынъырларында азиз топракъ оладжакъ.

Сайылар 34:13

Муса Исраиль огъулларына бойле буюрды: – Мульк оларакъ джерепке коре пайлаштыраджакъ топрагъынъыз будыр. РАББИнинъ буюргъанына коре, топракъ докъуз къабилеге ве яры къабилеге пайлаштырылсын,

Сайылар 34:16

РАББИ Мусагъа бойле деди:

Фаалиет 13:19

Ханаан топрагъында еди миллетни ёкъ этип, оларнынъ ерлерини Исраиль халкъына берди.

Къануннынъ текрары 12:10

Лякин Иорданнынъ башкъа тарафына кечип, Алланъыз олгъан РАББИ сизге мульк этип берген топракъкъа ерлешеджексиз. О заман О, чевре-четинъиздеки душманларынъызгъа сени теляшландырмагъа ёл бермез, сиз хавфсыз яшайджакъсыз.

Нун огълу Ехошуа 13:6

Мен Исраиль огъулларынынъ огюнден Ливандан башлап Мисрефот-Маимгедже дагъларда эписи яшагъанларны, эписи сидонлыларны къуваларым. О топракъны, санъа буюргъаным киби, Исраильге пай этип бер.

Нун огълу Ехошуа 19:51

Шилода, Корюшюв Чадырынынъ кириши янында, руханий Элазар, Нун огълу Ехошуа ве сойларынынъ башлыкълары Исраиль огъуллары къабилелерине РАББИнинъ огюнде джереп чекип берген топракъ пайлары будыр. Бунынънен топракънынъ пай этильмеси битти.

Нун огълу Ехошуа 21:1

Левийли къоранталарынынъ башлыкълары руханий Элазаргъа, Нун огълу Ехошуагъа ве Исраиль огъуллары къабилелерининъ башлыкъларына келип,