Нун огълу Ехошуа 12:6 - Мукъаддес Китап

⁶ РАББИнинъ къулу Муса ве Исраиль огъуллары оларны ольдюрдилер. РАББИнинъ къулу Муса оларнынъ топракъларыны рубенлилерге, гъадлыларгъа ве Менашше къабилесининъ ярысына оларнынъ пайы оларакъ берди.

Нун огълу Ехошуа 12:6 ပူးပေါင်းရင်းမြစ်များ

3 Падишалар 4:19

Урий огълу Гевер – Гилад топрагъында (аморлыларнынъ падишасы Сихоннынъ топрагъында ве Башан падишасы Огнынъ топрагъында) эди. Бу топракъта о, бирден-бир башлыкъ эди.

Сайылар 32:29

оларгъа: – Эгер Гъад огъуллары ве Рубен огъуллары эписи РАББИнинъ огюнде дженкке силяланып сизлернен берабер Иорданнынъ башкъа тарафына кечселер, сиз топракъларны бойсундыргъан сонъ, оларгъа мал-мульк оларакъ Гилад топрагъыны беринъиз.

Сайылар 32:32

Биз силяланып, РАББИнинъ огюнде Ханаан топрагъына кетеджекмиз. Лякин мулькюмизнинъ пайы Иорданнынъ бу тарафында олсун.

Сайылар 32:33

Бойледже, Муса оларгъа – Гъад огъулларына, Рубен огъулларына ве Юсуфнынъ огълу Менашше къабилесининъ ярысына – аморлыларнынъ падишасы Сихоннынъ падишалыгъыны, Башан падишасы Огнынъ падишалыгъыны, топракъны ве онынъ шеэрлерини ве чевресиндеки койлерини, этрафларындаки топракъларынен шеэрлерни берди.

Нун огълу Ехошуа 14:3

Эки бучукъ къабилеге Муса Иорданнынъ башкъа тарафында топракъ пайыны берди. Левийлилерге исе оларнынъ арасында топракъ пайы бермеди.

Нун огълу Ехошуа 18:7

Левийлилерге исе аранъыздан пай ёкъ, чюнки оларнынъ къысмети – РАББИнинъ руханийлери олмагъа. Гъад къабилеси, Рубен къабилеси ве Менашше къабилесининъ ярысы озь пайларыны Иорданнынъ шаркъий тарафындан алдылар. Оны оларгъа РАББИнинъ къулу Муса берди, – деди.

Нун огълу Ехошуа 22:4

Энди РАББИ, сёз бергени дайын, агъа-къардашларынъызгъа раатлыкъ берди. Онынъ ичюн шимди чадырларынъызгъа, Иорданнынъ башкъа тарафына, РАББИнинъ къулу Муса сизге берген топракъкъа къайтынъыз.