Нун огълу Ехошуа 11:6 - Мукъаддес Китап

⁶ РАББИ Ехошуагъа: – Олардан къоркъма. Ярын, къарарнен бу вакъытта, Мен оларнынъ эписини Исраильнинъ къолуна ольдюрильмек ичюн берерим. Атларнынъ дамарларыны кесип ташла, ат арабаларыны якъ, – деди.

Нун огълу Ехошуа 11:6 ပူးပေါင်းရင်းမြစ်များ

2 Падишалар 8:4

Давут 1 700 атлы ве 20 000 джаяв аскерни алды. 100 дженк араба атыны къалдырып, бутюн дженк арабаларына екильген атларнынъ дамарларыны кести.

4 Падишалар 6:16

Эль-Яса: – Къоркъма! Бизнен олгъанлар оларнен олгъанлардан чокъ, – деди.

2 Тарих вакъиалары 20:16

Ярын оларгъа къаршы чыкъынъыз. Олар Циц котерилишине кечелер. Сиз оларны вадийнинъ сонъунда, Еруэл сахрасынынъ агъзында тападжакъсыз.

Зебур 46:10

Халкъларнынъ мырзалары топландылар, Ибраимнинъ Алласынынъ халкъына къошулдылар, чюнки ер юзюнинъ къалкъанлары Алланынъкидир! О, юксек котерильгендир!

Зебур 46:9

Алла халкъларнынъ Падишасы олды; Алла мукъаддес тахтына отурды!

Икметли сёзлер 20:7

Инсафлы адам къусурсыз яшай, онынъ огъуллары бахтлыдыр!

Ешая 30:16

– Ёкъ, ат устюнде къачаджакъмыз, – дединъиз. Онынъ ичюн къачаджакъсынъыз. – Тез атлар устюне минип къачаджакъмыз, – дединъиз. Онынъ ичюн сизлерни къувалагъанлар да тез оладжакъ.

Ешая 31:1

Вай-вай-вай! Мысырдан ярдым сорап кеткенлернинъ башына беля! Атларгъа таяналар, дженк арабаларынынъ чокълугъына ве аскерлерининъ буюк кучюне ишаналар, Исраильнинъ Азизине исе къулакъ асмайлар, РАББИни къыдырмайлар.

Ехезкель 39:9

О заман Исраиль шеэрлеринде яшагъанлар эвлеринден чыкъаджакъ ве дженк силяларыны: къалкъан ве зырхларны, яй ве окъларны, чокъмар ве мызракъларны топлап, атеште якъаджакълар. Еди йыл девамында оларны якъаджакълар.

Хошеа 14:3

РАББИге къайтынъыз, Оны чагъырынъыз, Онъа айтынъыз: «Бутюн къабаатларымызны багъышла, эйиликнен бизни къабул эт, ве биз тиллеримизнен Санъа шукюр этеджекмиз».

Нахум 2:13

– Мен санъа къаршы чыкътым, – дей Ордуларнынъ РАББИси. – Дженк арабаларынъны якъаджагъым, арслан балаларынъ къылычнен ольдюриледжек. Энди сен ер юзюнде авгъа чыкъмайджакъсынъ, эльчилеринънинъ сеси башкъа эшитильмейджек.

Къануннынъ текрары 7:16

Сен, Алланъ олгъан РАББИ сизге береджек эписи халкъларны ёкъ этеджексинъ. Козьлеринъ оларны аджымасын. Оларнынъ аллаларына хызмет этме, чюнки бу сен ичюн къапкъандыр.

Нун огълу Ехошуа 10:8

РАББИ Ехошуагъа: – Олардан къоркъма. Мен оларны сенинъ къолунъа бердим. Олардан бири санъа къаршы турып оламаз, – деди.

Нун огълу Ехошуа 11:5

Олар эписи берабер топлашып, Исраильге къаршы дженк этмек ичюн, Мером озени янында ордунен ерлештилер.

Нун огълу Ехошуа 11:7

Ехошуа ве онен берабер бутюн дженкке ярагъан адамлар Мером озени янында апансыздан пейда олдылар ве оларгъа къаршы атылдылар.

Нун огълу Ехошуа 11:9

РАББИ насыл айткъаны киби, Ехошуа ойле де япты: атларынынъ дамарларыны кесип ташлады, ат арабаларыны исе якъты.

Нун огълу Ехошуа 3:5

Ехошуа халкъкъа: – Элялланынъыз. Ярын РАББИ аранъызда аджайип шейлер япаджакъ, – деди.

Къадылар 20:28

ве Харун огълу Элазарнынъ огълу Пинехас онынъ огюнде хызмет эте эди. – Къардашларымыз олгъан Биньямин къабилесинен дженкни девам этейикми? – деп сорадылар исраиллилер. – Я да дженкни токътатайыкъмы? РАББИ оларгъа джевап берип: – Дженклешинъиз! Ярын Мен оларны къолларынъызгъа берерим! – деди.

Къадылар 7:9

Шу гедже РАББИ Гидонгъа: – Ашагъы тюш де, оларнынъ ордусына уджюм эт. Мен оларны сенинъ къолунъа бердим.

1 Падишалар 11:9

Кельген эльчилерге: – Явеш-гиладлыларгъа бойле айтынъыз: «Ярын кунеш къыздыргъанда, биз сизни къуртараджакъмыз», – деди. Эльчилер къайтып, Явеш халкъына буны айткъан сонъ, олар пек къувандылар.