Нун огълу Ехошуа 10:10 - Мукъаддес Китап

¹⁰ Душманлар исраиллилерни корьгенде, РАББИ оларны рухтан тюшюрди, ве исраиллилер оларны Гивонда бутюнлей енъдилер, эм де Бет-Хорон дагъына кеткен ёл бою артларындан къувалап, Азекъа ве Маккедагъа къадар ольдюрдилер.

Нун огълу Ехошуа 10:10 ပူးပေါင်းရင်းမြစ်များ

2 Падишалар 22:15

Окълар атып, душманларыны дагъытты, йылдырымнен оларны шашмалатты.

3 Падишалар 9:17

Сулейман Гезер шеэрини янъыдан къурды ве сонъ ашагъы Бет-Хоронны,

2 Тарих вакъиалары 14:12

Сонъ РАББИ Асанынъ ве ехудалыларнынъ козю огюнде хушлуларны урды. Хушлулар къачып башладылар.

2 Тарих вакъиалары 25:13

Шу арада, дженкке кетмесин деп, Амацья кери къайтаргъан орду Ехуданынъ базы шеэрлерининъ арасында, Самариеден Бет-Хоронгъа къадар дагъылдылар ве бу шеэрлерде 3 000 адам ольдюрдилер ве бир чокъ шейлер чайпап алдылар.

Зебур 18:14

Биле-биле япылгъан гуналардан Озь къулунъны сакъла, олар манъа аким олмасын. О вакъытта мен къабаатсыз, буюк бозукълыкътан темиз олурым.

Зебур 44:3

Сен инсан огъулларындан гузельсинъ, дудакъларынъдан мерамет тёкюле. Шунынъ ичюн Алла эбедиен сенден разы.

Зебур 68:14

Я РАББИ, дувам Санъа разылыкъ вакътында етсин. Эй, Алла, Сенинъ буюк севгинъде манъа джевап бер, манъа акъикъий къуртарувынъны косьтер.

Ешая 28:21

РАББИ Перацим дагъында олгъаны дайын тураджакъ, Гивон вадийинде олгъаны киби ачувланаджакъ, Озюнинъ меракълы, аджайип ишини япаджакъ, о вакъыттан эвель корюльмеген арекетини этеджек.

Ешая 30:30

РАББИ шуретли сесинен гудюрдейджек, буюк ачувнен къолуны котерип, къудретини косьтереджек, йыкъыджы атешни, дешетли боранны, ягъмурны ве ташлы бурчакъны ёллайджакъ.

Йирмея 34:7

О арада Вавилон падишасынынъ ордусы Ерусалимге ве даа енъильмеген Ехуданынъ шеэрлерине: Лакиш ве Азекъа шеэрлерине къаршы дженк эте эди. Ехуданынъ шеэрлеринден тек бу эки къавийлештирильген шеэр къалды.

Зекерья 14:3

О заман РАББИ дженк вакътында япкъаны киби, чыкъаджакъ ве бу халкъларгъа къаршы дженк этеджек.

Къануннынъ текрары 7:23

РАББИ-Таалянъ бу миллетлерни къолунъа берер, оларны пек теляшландырып олюмге кетирир,

Нун огълу Ехошуа 10:11

Аморлылар Бет-Хорон дагъынынъ ашагъы тюшкен тарафындан исраиллилерден къачкъанларында, РАББИ коктен оларнынъ устюне Азекъагъа баргъандже балабан ташлар ата эди, ве олар оле эдилер. Таш бурчакълардан ольгенлернинъ сайысы Исраиль огъуллары къылычнен ольдюргенлернинъ сайысына коре чокъ эди.

Нун огълу Ехошуа 10:28

О куню де Ехошуа Маккеда шеэрини запт этти. Ехошуа о шеэрни, шеэрнинъ падишасыны ве эр бир тири джанны бутюнлей ёкъ этти. Кимсени сагъ къалдырмады. Ехошуа Ерихон падишасынен япкъан шейни Маккеда падишасына да япты.

Нун огълу Ехошуа 10:9

Ехошуа Гилгалдан чыкъып, бутюн гедже юрди. Келип, душманларгъа апансыздан атылды.

Нун огълу Ехошуа 11:8

РАББИ оларны исраиллилернинъ къолуна берди. Исраиллилер оларны енъдилер ве улу Сидонгъадже, Мисрефот-Маимгедже ве шаркъта яткъан Мицпа вадийинедже оларнынъ артларындан къуваладылар. Бир тири джан къалдырмайып, эписини ольдюрдилер.

Нун огълу Ехошуа 12:16

бир Маккеда падишасы, бир Бет-Эль падишасы,

Нун огълу Ехошуа 15:35

Ярмут, Адуллам, Сокъо, Азекъа,

Нун огълу Ехошуа 15:41

Гедерот, Бет-Дагон, Наама, Маккеда – койлеринен берабер 16 шеэр.

Нун огълу Ехошуа 16:3

сонъ яфлетлилернинъ топракъларына, гъарпкъа, ашагъы Бет-Хорон виляетине ве Гезерге къадар тюше ве Акъ денъиз янында бите эди.

Нун огълу Ехошуа 16:5

Эфраим къабилесининъ сойларына коре олгъан топракълары будыр: пайларынынъ сынъыры шаркъта яткъан Атарот-Аддардан башлап, юкъары Бет-Хоронгъадже кечип,

Нун огълу Ехошуа 21:22

Кивцаим шеэри этрафындаки отлакъларнен берабер ве Бет-Хорон шеэри этрафындаки отлакъларнен берабер берильди – дёрт шеэр.

Къадылар 4:15

РАББИ ойле япты ки, Баракъ къылычнен Сисераны ве онынъ дженк арабаларыны, бутюн ордусыны къоркъузып шашырды. Сисера арабасындан секирип къачты.

Къадылар 4:16

Баракъ онынъ дженк арабаларыны ве ордусыны тап Харошет-Хагоимге къадар къувалады. Сисеранынъ бутюн аскерлери къылычтан ольди, бириси сагъ къалмады.

Къадылар 5:20

Йылдызлар коклерден дженкке кириштилер, коклерден чыкъып, Сисеранен дженк эттилер!

1 Падишалар 13:18

экинджиси – Бет-Хоронгъа, учюнджиси исе – Цевоим вадийине бакъкъан байырларнынъ тёпесиндеки сынъыргъа, сахрагъа ёл алды.

1 Падишалар 17:1

Фелестинлилер, дженклешмек ичюн, озь ордуларыны топлап, Ехудада булунгъан Сокъо шеэрине кельдилер ве Сокъонен Азекъа арасында олгъан Эфес-Даммим шеэринде дженк ордусыны ерлештирдилер.