Нун огълу Ехошуа 1:17 - Мукъаддес Китап

¹⁷ – Мусаны динълегенимиз дайын, сени де динълейджекмиз. Алламыз олгъан РАББИ Мусанен олгъаны дайын, сеннен де олсун.

Нун огълу Ехошуа 1:17 ပူးပေါင်းရင်းမြစ်များ

2 Падишалар 14:17

Падиша-эфендимнинъ сёзю мени тынчландырсын. Падиша-эфендим – Алланынъ мелеги кибидир, эм яхшы, эм ярамай шейлерни динълер. РАББИ, сенинъ Алланъ сеннен берабер олсун, – деди.

3 Падишалар 1:37

РАББИ падиша-эфендилеримнен берабер олгъаны киби, Сулейманнен берабер олсун, онынъ тахтыны эфендим Давут падишанынъ тахтындан да буюк япсын! – деди.

1 Тарих вакъиалары 28:20

Сонъ огълу Сулеймангъа бойле деди: – Къавий ол, джесаретли ол да, ишке кириш. Къоркъма, рухтан тюшме. РАББИ-Тааля, меним Аллам, сеннен берабердир. Сен РАББИнинъ Сарайы къурулышында керек ишлерни битирмегендже, О, сени къалдырмаз, сенден вазгечмез.

Зебур 20:1

Баш чалгъыджы ичюн. Давутнынъ зебуры.

Зебур 20:4

Сен оны яхшы бахшышларнен къаршыладынъ, онынъ башына темиз алтындан тадж кийдирдинъ.

Зебур 20:9

Сенинъ къолунъ бутюн душманларынъны тападжакъ, Сенинъ онъ къолунъ Сени кореджек козю олмагъанларны тападжакъ.

Сайылар 27:18

РАББИ Мусагъа бойле деди: – Озюнде Рух олгъан Нуннынъ огълу Ехошуаны янынъа ал да, башына къолунъны къой.

Сайылар 27:20

Бутюн Исраиль джемааты оны динълесин деп, онъа сенинъ акимиетинъни бер.

Матта 21:9

Онынъ огюнде ве артында юргенлер: – Давут Огълуна шукюр! Раббининъ Ады иле Келеяткъанны шуретленъиз! Коклерде Аллагъа бинъ шукюрлер! – деп къычыра эдилер.

Къануннынъ текрары 34:9

Нун огълу Ехошуа икмет рухуна толгъан, чюнки Муса онынъ устюне къолларыны къойгъан эди. Исраиллилер онынъ сесини динълей ве, РАББИ Мусагъа эмир эткени киби, ойле де яптылар.

Нун огълу Ехошуа 1:16

Олар Ехошуагъа: – Эписи буюргъанларынъны япармыз. Къайда бизни ёлласанъ, анда барармыз, – деп джевап къайтардылар.

Нун огълу Ехошуа 1:18

Сенинъ эмиринъе бойсунмагъан, сен буюргъаннынъ эр бир сёзюни тутмагъан адам ольдюрилир. Тек къуветли ве джесаретли ол!

Нун огълу Ехошуа 1:5

Бутюн омрюнъиз девамында сизге къаршы кимсе турып оламайджакъ. Мен Мусанен олгъаным дайын, сеннен оладжагъым. Сенден айырылмам ве сени ташламам.

Нун огълу Ехошуа 1:9

Мен санъа эмир этем: къуветли ве джесаретли ол, къоркъма, отюнъ патламасын. Къайда бармасанъ, Алланъ олгъан РАББИ сенинъ эр баргъан еринъде янынъда оладжакъ.

Нун огълу Ехошуа 4:14

О куню РАББИ Ехошуаны бутюн Исраильнинъ козю огюнде шуретледи. Бундан сонъ халкъ, Мусадан къоркъкъаны дайын, Ехошуадан да онынъ омрю боюнджа къоркътылар.

1 Падишалар 17:37

Мени арсландан да, аювдан да къуртаргъан РАББИ шу фелестинлининъ элинден де къуртарыр, – деди Шаулгъа Давут. – Бар, РАББИ сени къорчаласын, – деди Давуткъа Шаул.

1 Падишалар 20:13

РАББИ бойнумны урсун! Эгер де бабам санъа къаршы бир ярамай шей тюшюнип чыкъаргъан олса, буны да санъа хабер этерим. Сонъ сени йиберерим, ве сен сагълыкънен барарсынъ. РАББИ, эвель бабама ярдымджы олгъаны киби, санъа да ярдымджы олсун! – деди.