Нехемья 9:28 - Мукъаддес Китап

²⁸ Эр шей ятышкъан сонъ исе, олар кене Сенинъ огюнъде яман ишлер япып башладылар, Сен кене оларны душманларынынъ къолуна бердинъ, ве душманлары оларгъа башлыкъ эттилер. Олар кене Сени чагъырып башлагъанда, Сен коклерден эшитип, Озь буюк мераметинъ ичюн, оларны чокъ кере къуртардынъ.

Нехемья 9:28 ပူးပေါင်းရင်းမြစ်များ

3 Падишалар 8:39

о вакъыт Сен коклерден, Озюнъ булунгъан ерден эшит ве оларны багъышла. Эр кимсеге онынъ япкъанларына коре акъкъыны бер, чюнки Сен оларнынъ юреклерини билесинъ. Эписи инсан огъулларынынъ юреклерини тек Сен билесинъ!

Зебур 106:42

Догъру олгъанлар буны корип къуваныр, бутюн арам олгъанлар агъзыны къапатып отурыр.

Ешая 63:15

Коклерден бакъ, азиз ве шанлы булунгъан еринъден бизни корь. Гъазабынънен къудретинъ къайда? Шефкъатынънен мераметинъ менден узакълашты.

Къадылар 2:19

Лякин къадынынъ олюминден сонъ, олар кене бабаларындан бетер ишлер япа, башкъа аллаларгъа бойсуна, оларгъа хызмет эте ве ибадет эте эдилер. Олар озь ярамай ишлеринден вазгечмейип, яман ёллардан юре эдилер.

Къадылар 3:30

Бойле этип, моавлылар Исраильге бойсундылар, ве шу ерлерде 80 йыл девамында тынчлыкъ девам этти.

Къадылар 4:1

Эхуднынъ олюминден сонъра, исраиллилер РАББИнинъ огюнде кене ярамайлыкъ япып башладылар.

Къадылар 5:31

Я РАББИ, бутюн душманларынъ ёкъ олсун! РАББИни севгенлер исе кунешке бенъзей, кучь толу чыкъкъан кунешке бенъзей! Бундан сонъ 40 йыл девамында мемлекет тынч яшады.