Нехемья 9:17 - Мукъаддес Китап

¹⁷ бойсунмагъа истемедилер, Сенинъ оларгъа япкъан аджайип ишлеринъни акъылгъа кетирмедилер, боюнларыны эгмедилер ве инатланып, озьлерине башлыкъ къойдылар ве къуллукъ яшайышларына къайттылар. Лякин Сен – гуналарны багъышлагъан Алласынъ, эйилик япкъан ве аджыгъан, тез ачувланмагъан ве пек мераметлисинъ! Сен оларны къалдырмадынъ.

Нехемья 9:17 ပူးပေါင်းရင်းမြစ်များ

3 Падишалар 6:13

ве Исраиль огъуллары арасында яшарым, халкъым Исраильни бир вакъыт къалдырмам, – деди.

3 Падишалар 8:57

Алламыз олгъан РАББИ бабаларымызнен берабер олгъаны киби, бизнен де берабер олсун, бизни къалдырмасын ве ташламасын!

2 Тарих вакъиалары 36:13

Невукъаднеццар падишагъа Алланынъ Адынен ант бергенине бакъмадан, Цидкия онъа къаршы котерильди. Цидкия энъсесини къатты этти, юрегини де таш киби япты ве Исраильнинъ Алласы РАББИге къайтмады.

Узеир 9:9

Бизлер къул эдик, амма Алламыз бизни къуллукъта къалдырмады. О, Фарс падишаларыны бизге мераметли яптырды, олар исе бизге джанланмагъа ве Алламызнынъ Сарайыны котермеге, онынъ йыкътырылгъан диварларыны гъайрыдан тиклемеге, Ехудада ве Ерусалимде дивар къорумагъа ёл бердилер.

Нехемья 9:31

Амма Сенинъ мераметинъ ичюн, Сен оларны бутюнлей ёкъ этмединъ ве оларны къалдырмадынъ. Сен – аджыгъан ве пек мераметли Алласынъ!

Зебур 106:13

Беляда РАББИни чагъырдылар, ве О, оларны азапларындан къуртарды.

Зебур 106:7

О, оларны догъру ёлгъа чыкъарды, олар ерлешеджек ерге алып кетирди.

Зебур 78:10

Не ичюн башкъа халкълар: «Оларнынъ Алласы къайда?» – десин? Къулларынънынъ тёкюльген къанлары ичюн Сен очь алырсынъ; халкъларнынъ арасында шу шей белли олсун, оны козьлеримиз де корьсюн!

Зебур 78:11

Эсирлернинъ инъильтиси Сенинъ къулагъынъа етсин; олюмге суд этильген адамларны буюк къудретинънен сакъла!

Зебур 86:5

Сион акъкъында исе: “Бу адам ве шу адам о ерде догъгъан; Юдже Алла оны пекитир”», – дерлер.

Чыкъыш 32:9

– Мен бу халкъны корем, – деди РАББИ Мусагъа. – О инат бир халкътыр.

Икметли сёзлер 1:24

Мен чагъырдым – сиз эшитмединъиз, къолумны узаттым – абайлагъан адам олмады.

Йирмея 18:15

Халкъым исе Мени унутты, бош путларгъа къокъулы отларны якъалар, къадимий ёлундан урулдылар, юрюльген ёлдан дегиль де, насылдыр сокъачыкътан кеттилер.

Йирмея 19:15

– Исраильнинъ Алласы, Ордуларнынъ РАББИси бойле дей: Бакъынъыз! Мен бу шеэрге ве чевресиндеки эписи койлерге айткъан бутюн беляларны тюшюреджегим. Олар энъселерини къаттырып, инат олдылар, сёзлеримни динълемедилер, – деди.

Йирмея 7:26

Амма олар Мени динълемедилер, къулакъ асмадылар ве инат олып, деделеринден бетер олдылар.

Ехезкель 5:6

Амма о, Меним къарарларыма ве низамнамелериме къаршы чыкъты, халкълардан ве чевре-четиндеки мемлекетлерден бетер олды. О, Меним къанунларымны ред этти, низамнамелеримни беджермеди.

Даниял 9:9

Биз Рабби-Таалямызгъа къаршы чыкъкъан олсакъ да, О, мерамет этсин ве бизни багъышласын!

Ёэль 2:13

Урбаларынъызны йыртмагъа керекмей, юреклеринъиз исе сызласынлар. Алланъыз РАББИге къайтынъыз, О, мераметли ве шефкъатлыдыр, чокъ сабырлы ве ишанчлыдыр. О, джезасыны ёлламай.

Левийлилер 26:44

Бунъа бакъмадан, олар душманларынынъ топракъларында оладжакъ вакътында, Мен олардан вазгечмейджегим ве юзюмни олардан бутюнлей чевирмейджегим, оларны ёкъ этмейджегим ве оларгъа берген васиетимни бозмайджагъым. Мен – РАББИм, оларнынъ Алласы.

Нахум 1:3

РАББИ тез ачувланмаз, Онынъ къудрети буюк. РАББИ ич кимсени джезасыз къалдырмаз. О, боран ве фуртуна ичинде кете, булутлар – Онынъ аягъы тюбюндеки тоздыр.

Сайылар 14:11

ве РАББИ Мусагъа: – Бу халкъ не вакъыткъадже Манъа урьметсизлик бильдиреджек? Оларнынъ арасына Мен япкъан аджайип шейлериме бакъмадан, не вакъыткъадже олар Манъа ишанмайджакълар?

Сайылар 14:41

– Не ичюн сиз РАББИнинъ буюргъанына къаршы чыкъасынъыз? – деди Муса. – Къолунъыздан бир шей кельмейджек.

Сайылар 16:14

Сен бизни сютнен бал акъкъан топракъкъа кетирдинъми, бизге тарлаларнен юзюмликлерни бердинъми? Бу адамларнынъ козьлерини кёр этмеге истейсинъми? Бармайджакъмыз!

Фаалиет 7:39

Онъа да баба-деделеримиз бойсунмагъа истемейип, оны ред эттилер, гонъюллерини Мысыр тарафкъа айландырдылар,

Римлилерге 9:15

О, Мусагъа бойле дей: «Кимни аджымагъа истесем – оны аджырым, кимге мерамет эйлемеге истесем – онъа мерамет эйлерим».

Еудийлерге 12:25

Бакъынъыз, лаф эткен Биревден башынъызны чевирменъиз. Ер юзюнде айткъандан башыны чевиргенлер джезадан къачмадылар. Эгер биз коктен лаф эткен Биревден башымызны чевирсек, даа агъыр джезагъа огърайджакъмыз.

1 Падишалар 12:22

РАББИ Озюнинъ шерефли Ады ичюн Озюнинъ халкъыны къалдырмаз. О сизни Озюнинъ халкъы оларакъ сайлап алды.