Нехемья 6:16 - Мукъаддес Китап

¹⁶ Эписи душманларымыз буны эшиткенде, этрафымыздаки халкълар буны корьгенде, рухтан тюштилер ве бу иш Алламызнынъ иши олгъаныны анъладылар.

Нехемья 6:16 ပူးပေါင်းရင်းမြစ်များ

Нехемья 2:10

Мен Исраиль огъулларына эйилик истеп кельдим. Хоронлы Санбаллат ве аммонлы хызметчи Товья буны эшиткенде, пек чокъ раатсызландылар.

Нехемья 4:1

Диварларны янъыдан къургъанларымызны эшиткенде, Санбаллат пек ачувланды, нервасы къозгъалды ве ехудалыларгъа къылынып башлады.

Нехемья 4:7

Санбаллат, Товья, араплар, аммонлылар ве ашдодлылар Ерусалим диварларынынъ тикленгени акъкъында, диварнынъ тешиклери къапатылгъаны акъкъында хабер алып, пек ачувландылар.

Нехемья 6:17

Шу куньлерде ехудалы мырзалар Товьягъа чокъ мектюплер яздылар, ве Товьядан оларгъа джеваплар кельди.

Зебур 126:2

Бошуна сизлер эрте турасынъыз, чокъ вакъыт чалышып раатланмайсынъыз, замет этип отьмегинъизни къазанасынъыз. РАББИ исе севгенине юкъу берер.

Зебур 129:5

РАББИге мен умют багъладым, джаным да Онъа умют багълады; Онынъ сёзюне ишандым.

Зебур 147:2

О, къапуларынънынъ мандалларыны пеките, ичинъдеки огъулларынъа эйилик тиле,

Чыкъыш 14:25

Оларнынъ арабаларындан копчеклерни алды да, арабалары зорнен кете башладылар. Мысырлылар: – Исраиллилерден къачайыкъ. Оларнынъ ерине бизге къаршы РАББИ дженк эте, – дедилер.

Йирмея 33:9

Ер юзюндеки бутюн халкъларнынъ огюнде бу шеэр Манъа къуванчлы нам, макътав ве урьмет кетиреджек. Ерусалим халкъына эткен яхшылыгъым акъкъында эшиткенде, бу халкълар шашып къаладжакълар, бу халкъкъа багъышлагъан тынчлыкъ-аманлыкъ акъкъында билип, титрейджеклер.

Сайылар 23:23

Якъупкъа къаршы къаргъыш ёкътыр, Исраильге къаршы ырымджылыкъ ёкътыр. Бир заманда Якъуп ве Исраиль акъкъында: «Алла нелер япты!» – дениледжек.

Фаалиет 5:38

Энди сизлер бу адамлардан къол тартынъыз, дейим, оларны йиберинъиз! Эгер бу ниет-арекет инсан иши олса, озь-озюнен гъайып оладжакъ.

Нун огълу Ехошуа 2:11

Буны эшиткенимизден сонъ, отьлеримиз патлады ве сизге къаршы турмакъ ичюн кимсе джесюрлик тапалмады. Алланъыз олгъан РАББИ – тёпедеки коклернинъ ве ашагъыдаки ер юзюнинъ Алласыдыр.

Нун огълу Ехошуа 2:9

ве: – Бу топракъны РАББИ сизге бергенини билем. Сиз бизни пек къоркъуздынъыз ве бу топракъта эписи яшагъанларнынъ отьлери сизден патлады, – деди.

Нун огълу Ехошуа 5:1

РАББИ Иорданнынъ сувларыны, Исраиль огъуллары кечсинлер деп, къуруткъаныны денъизге тараф Иорданнынъ гъарп тарафында яшагъан эписи аморлы падишалар ве денъиз янындаки эписи ханаанлы падишалар эшиттилер. Къоркъудан оларнынъ отьлери патлады, ве Исраиль огъулларына къаршы турмакъ ичюн джесюрликлери къалмады.