Нехемья 6:13 - Мукъаддес Китап

¹³ Мени къоркъузмагъа ве гуна япып, буны япмагъа меджбур этмек ичюн, оны сатын алгъан эдилер. О вакъыт душманларым меним адымны лекелемеге ве масхара этмеге истедилер.

Нехемья 6:13 ပူးပေါင်းရင်းမြစ်များ

Нехемья 6:12

О, пейгъамбер оларакъ буны айтты, лякин мен Алла оны йибермегенини анъладым. Товья ве Санбаллат оны сатын алгъан эдилер.

Нехемья 6:6

Мектюпте шойле язылгъан эди: «Халкълар арасында хабер юре, Гешем де буны айта: сен ве ехудалылар исьян котермеге истей экенсинъиз, диварны да шунынъ ичюн къура экенсинъ. Эшиткениме коре, сен оларнынъ падишасы олмакъ истей экенсинъ.

Икметли сёзлер 22:1

Яхшы ад – буюк байлыкътан, урьмет де – кумюш ве алтындан яхшыдыр.

Икметли сёзлер 29:5

Башкъасына ялтакълангъан адам онъа къапкъан къояр.

Джемаат башы 7:1

Яхшы нам гузель мистен яхшыдыр. Олюм куню де догъгъан куньден яхшыдыр.

Ешая 51:7

Эй, адалетни бильгенлер! Эй, юреклеринде Къануным олгъан халкъ! Динъленъиз Мени! Адамлар сизни яманлагъанларындан къоркъманъыз, куфюр сёзлеринден отюнъиз патламасын!

Ешая 57:11

Сен кимден къоркътынъ? Кимден отюнъиз патлады? Не ичюн Менден вазгечтинъ, Мени унуттынъ, юрегинъде сакъламадынъ? Мен чокъ вакъыт индемедим; Менден къоркъмакътан вазгечтинъ бунынъ ичюнми?

Йирмея 1:17

Сен тур, азырлан! Санъа бутюн буюраджакъларымны оларгъа айт. Олардан къоркъма! Ёкъса, оларнынъ козьлери огюнде сени урып йыкъарым.

Йирмея 18:18

Олар исе: – Айдынъыз, Йирмеягъа къаршы келишейик, – дедилер. – Къанун руханийлернен къаладжакъ, насиат акъыллы адамлардан кетмейджек, пейгъамберлер хабер этип береджеклер. Келинъиз, оны лафнен урып йыкъайыкъ, айткъанларына къулакъ асмайыкъ.

Йирмея 20:10

Этрафымда чокъ лафларны эшиттим, орталыкъны къоркъу къаплады. «Оны чакъынъыз! Эр кеске айтып берсинлер», – дейлер. Меннен муаббет яшагъанларнынъ эписи энди абынгъанымны беклеп отуралар; «Бельки, алданаджакъ да, сонъ оны енъип, джезалармыз», – дейлер.

Ехезкель 2:6

Сен исе, инсан огълу, олардан къоркъма, оларнынъ сёзлеринден де къоркъма. Олар сенинъ чевре-четинъде тикенлер ве когем чалылары киби олса да, сен чаянлар арасында яшасанъ да, оларнынъ айтаджакъларындан къоркъма ве къоркъунчлы юзьлеринден дешетленме. Олар исьянджы халкътыр.

Матта 10:28

Беденини ольдюрип, джаныны исе ольдюрип оламагъанлардан къоркъманъыз. Амма джаныны да, беденини де джеэннемде гъайып этмеге кучю еткен Алладан къоркъунъыз.

Матта 22:15

‌Шундан сонъ фериселер кетип, Исанынъ айткъан сёзюне насыл илишеджеклерини анълаштылар.

Матта 26:59

Исагъа олюм джезасыны бермек ичюн, баш руханийлер ве бутюн Юксек Шура Онъа къаршы ялан шаатлыкъ къыдырсалар да,

Фаалиет 6:13

Ялан айткъан шаатларны кетирип, оларгъа буны айттырдылар: – Бу адам эр вакъыт бу Азиз Ерни ве Къанунны яманлап юре.

2 Коринтлилерге 11:12

Лякин бизнен бир олгъанына макътанмагъа ёл къыдыргъан адамларгъа имкян бермемек ичюн, мен не япкъан олсам, шуны келеджекте де япаджагъым.

1 Тимотейге 5:14

Шу себептен мен буны истейим: яш тул къадынлар акъайгъа чыкъсынлар, бала тапсынлар, эвлерини бакъсынлар, бойле этип, душмангъа яман лаф айтмагъа ич бир фырсат бермесинлер.

2 Тимотейге 1:7

Алла бизге къоркъакълыкъ рухуны дегиль, кучь-къувет, севги ве низам рухуны берди.

Титке 2:8

ич бир шубеси олмагъан догъру сёзлерни айт. О вакъыт душманлар утанаджакъ ве бизим акъкъымызда яман сёз айтып оламайджакъ.

Якъуп 4:17

Демек, ким хайырлы иш япмагъа керек олгъаныны билип, япмаса, гуна къазана.

Сырларнынъ ачылувы 21:8

Амма къоркъакъ, имансыз, игренч, адамларны ольдюрген, ороспу, джады, путперест ве бутюн яланджыларнынъ къысмети – атеш ве кукюрт янгъан гольдедир. Бу, экинджи олюмдир.