Нехемья 6:10 - Мукъаддес Китап

¹⁰ Бир кунь мен Шемаянынъ эвине кеттим. (Шемая – Делаянынъ огълу, Делая – Мехетавельнинъ огълу эди.) О исе эвинде къапалы отура эди. О, манъа бойле деди: – Айды, Алланынъ Эвине кетейик, Сарайнынъ ичине кирейик, къапуларыны къапатайыкъ, чюнки сени ольдюрмеге келеджеклер. Сени ольдюрмеге гедже келеджеклер.

Нехемья 6:10 ပူးပေါင်းရင်းမြစ်များ

Башланув 36:39

Акъборнынъ огълу Баал-Ханан кечинген сонъ, онынъ ерине Хадар падиша олды. Онынъ шеэри Пау деп адлана эди. Онынъ апайы, Ме-Захавнынъ къыз торуны, Матреднинъ къызы Мехетавель эди.

3 Падишалар 6:5

Эвнинъ чевресинде диварларына къошып одалар яптырды, бутюн бинанынъ чевре-четинде, шу джумледен, Буюк Ода ве Энъ Азиз Оданынъ чевре-четинде де одалар яптырды. Бойлеликнен, бутюн бинанынъ чевресинде одалар яптырды.

4 Падишалар 11:3

Аталья мемлекетте падишалыкъ эткен вакъыт, алты йыл девамында олар РАББИнинъ Сарайында сакъландылар.

4 Падишалар 9:8

Ахавнынъ бутюн сою гъайып оладжакъ. Мен Ахавнынъ союнда эр бир акъайны: къул олсун, азат олсун, – Исраильде оларнынъ эписини ёкъ этеджегим.

2 Тарих вакъиалары 28:24

Ахаз Алланынъ Сарайындан савутларны чыкъарды, Алланынъ Сарайындан алынгъан савутларны парчалады. Сонъ о, РАББИнинъ Сарайы къапусыны къапатты ве Ерусалимнинъ эр бир кошесинде къурбан ерлерини къойды.

2 Тарих вакъиалары 29:3

Хизкия озь падишалыгъынынъ биринджи йылынынъ биринджи айында РАББИнинъ Сарайы къапуларыны ачты ве оларны тюзетти.

2 Тарих вакъиалары 29:7

Олар Эйваннынъ къапусыны къапаттылар, къандиллерни сёндюрдилер, Исраиль Алласынынъ Азиз Еринде къокъулы отлар якъмадылар ве бутюнлей якъыладжакъ къурбанлар кетирмедилер.

Узеир 10:31

Харимнинъ огъулларындан – Элиэзер, Йишшия, Малкия, Шемая, Шимон,

Узеир 8:16

Сонъ Элиэзер, Ариэл, Шемая, Элнатан, Ярив, Элнатан, Натан, Зекъарья ве Мешуллам башлыкъларны ве Ёярив ве Элнатан оджаларны чагъырттым.

Нехемья 6:12

О, пейгъамбер оларакъ буны айтты, лякин мен Алла оны йибермегенини анъладым. Товья ве Санбаллат оны сатын алгъан эдилер.

Зебур 12:2

Я РАББИ, не вакъыткъадже мени унутаджакъсынъ? Не вакъыткъадже менден юзюнъни сакълайджакъсынъ?

Зебур 37:12

Мени джан-юректен севгенлер ве достларым дердимден авлакъта туралар, якъынларым да менден узакъта тура.

Икметли сёзлер 11:9

Аллагъа инанмагъан адам озь тилинен башкъа адамны гъайып этер, инсафлы адамларны исе бильги къуртарыр.

Йирмея 36:5

Сонъ Йирмея Барукъкъа бойле эмир берди: – Мен къапалым ве РАББИнинъ Эвине барып оламайым.

Ехезкель 3:24

Рух меним ичиме кирди ве мени аякъларым устюне къойды ве манъа шойле деди: – Эвинъе кетип, къапуларынъны къапат.

Малакий 1:10

– Къурбан якъылгъан еримде атеш бошуна янмасын деп, сизинъ биринъиз Сарай къапуларыны къапатаджагъынъыз яхшы олур эди. Мен сизден разы дегилим, – дей Ордуларнынъ РАББИси. – Сиз кетирген бахшышларынъызны да Мен истемейим.

Матта 7:15

‌Ялан пейгъамберлерден сакът олунъыз! Олар сизинъ алдынъызгъа къозу терисинен къапланып келелер, лякин ичинде йыртыджы къашкъырлардыр.

Юхан 3:20

Ким ярамайлыкъ япып юрсе, ярыкътан нефретлене ве, яман ишлери ачыкъ олмасын деп, ярыкъкъа якъынлашмай.

Фаалиет 21:30

Бутюн шеэр арекетке келип, халкъ топланды. Павелни тутып, Сарайдан тышарыгъа сюйреклеп чыкъардылар. Шу ань къапулар къапатылды.