Нехемья 5:17 - Мукъаддес Китап

¹⁷ Софрамда 150 ехудалы ве башлыкъ, бундан да гъайры, къомшу халкълардан кельген адамлар ашай эдилер.

Нехемья 5:17 ပူးပေါင်းရင်းမြစ်များ

2 Падишалар 9:13

Мефивошет озю Ерусалимде отура эди, чюнки даима падишанынъ софрасында отурып ашай эди. Онынъ эки аягъы топал эди.

2 Падишалар 9:7

– Къоркъма! Ёнатан бабанънынъ хатири ичюн мен санъа бирде-бир яхшылыкъ япарым, Шаул къартбабанънынъ бутюн тарлаларыны санъа къайтарып берерим. Сен меним софрамда эр вакъыт отьмек ашарсынъ, – деди онъа Давут.

3 Падишалар 18:19

Шимди манъа бутюн Исраильни Къармел дагъына чагъырт. Дёрт юз элли Баалнынъ пейгъамберини ве Изевельнинъ софрасында ашагъан дёрт юз Ашеранынъ пейгъамберини де чагъырт, – деди.

3 Падишалар 5:3

«Билесинъ ки, меним бабам Давут къомшу халкъларнен дженк эткени себебинден, РАББИ шу халкъларны онынъ аягъы тюбюне серильтмегендже, РАББИ олгъан Алласына Сарай къурып оламады.

Нехемья 5:16

Мен Ерусалим диварыны къурмагъа девам эттим. Эписи хызметчилерим анда ишке топланды. Тарлаларны исе биз сатын алмадыкъ.

Ешая 32:8

Намуслы адам исе намуслы шейлер акъкъында тюшюне, озь намуслыгъында эбедий тура.

Римлилерге 12:13

ихтияджы олгъан иманлыларгъа ярдым этинъиз, мусафирчен олунъыз.