Нехемья 13:25 - Мукъаддес Китап

²⁵ Мен оларны серт тенбиеледим ве къаргъадым, оларнынъ базы акъайларыны котекледим, башында сачларыны юлкътым ве озь къызларыны оларнынъ огъулларына бермемек ве оларнынъ къызларыны озь огъулларына ве озьлерине алмамагъа Алланынъ Адынен ант этмеге меджбур эттирдим.

Нехемья 13:25 ပူးပေါင်းရင်းမြစ်များ

4 Падишалар 2:24

Эль-Яса айланып, оларны корьди ве РАББИни чагъырып, оларны къаргъады. Ормандан эки аюв анасы чыкъып, балаларнынъ къыркъ эки данесини парчаладылар.

Узеир 10:5

Узеир еринден турып, руханийлернинъ башлыкъларыны, левийлилерни ве бутюн Исраильни, олар айткъанларыны беджерсинлер деп, ант эттирди. Олар ант эттилер.

Узеир 7:26

Алланънынъ къануныны ве падишанынъ къануныны гъайретнен беджермеген эр ким суд этильсин, ве оны ольдюрсинлер, я да къуваласынлар, я да онынъ барлыкъ-вариетини тартып алсынлар, я да оны зиндангъа атсынлар».

Нехемья 13:11

Мен башлыкъларны серт тенбиеледим ве: «Не ичюн Алланынъ Эвини къалдырдынъыз?» – дедим. Сонъ левийлилерни ве йырджыларны топладым ве оларны озь ерлерине къойдым.

Нехемья 13:17

Мен ехудалыларнынъ мырзаларыны серт тенбиеледим ве оларгъа шойле дедим: – Не ичюн сизлер бойле яманлыкъ япып, раатлыкъ кунюни арамлайсынъыз?

Нехемья 13:24

Шу себептен оларнынъ огъуллары яры ашдод тилинде я да башкъа халкъларнынъ тилинде лакъырды эттилер, лякин еудийдже лаф этип оламай эдилер.

Нехемья 5:13

Сонъра мен урбаларымны къакътым ве бойле дедим: – Алла сёзюни тутмагъан эр кимни бойле этип озь эвинден къакъсын, малыны-мулькюни элинден алсын! Эр шейи къакъылып алынсын, бом-бош къалсын! – дедим. Бутюн джемаат да бунъа: – Амин! – деди, РАББИге шукюр этти, ве халкъ сёзлерини тутты.

Нехемья 5:6

Мен оларнынъ ярдым истегенини ве бойле сёзлерини эшитип, пек ачувландым.

Зебур 15:4

Башкъа аллаларгъа инангъанларнынъ дертлери чокълашсын! Олар къан тёкип, ичерлик бахшышларыны кетирелер; мен исе буны япмам, агъзымдан оларнынъ адлары биле чыкъмаз.

Чыкъыш 34:16

огъланларынъызны оларнынъ къызларына эвлендирирсиз, къызлары аллаларнынъ оглерине ороспуланып, огъулларынъа да аллаларнынъ оглерине ороспулыкъ яптырырлар.

Икметли сёзлер 28:4

Къанундан четке чыкъкъан адамлар яманларны макътар, къанунны туткъан адамлар исе оларгъа къаршы чыкъар.

Ешая 50:6

Мени ургъанларгъа аркъамны, сакъалымны алгъанларгъа янакъларымны ачтым. Ашаламакътан ве тюкюриктен бетимни къапатмадым.

Къануннынъ текрары 6:13

Алланъ олгъан РАББИден къоркъ, Онъа хызмет эт ве тек Онынъ Адынен ант эт.

Къануннынъ текрары 7:3

Эвленип, оларнынъ сой-соплары олманъыз. Къызларынъызны огъулларына акъайгъа берменъиз, огъулларынъызгъа къызларыны алманъыз.

Нун огълу Ехошуа 23:12

Эгер сиз юзюнъизни РАББИден чевирип, аранъызда къалгъан бу халкъларнен бирлешсенъиз ве оларгъа эвленип, бири-биринъизге къатнасанъыз,