Нехемья 12:35 - Мукъаддес Китап

³⁵ боразан чалгъанлардан, руханийлернинъ огъулларындан: Зекъарья (Зекъарья – Ёнатаннынъ огълу, Ёнатан – Шемаянынъ огълу, Шемая – Маттаньянынъ огълу, Маттанья – Микъаянынъ огълу, Микъая – Закъкъурнынъ огълу, Закъкъур – Асафнынъ огълу)

Нехемья 12:35 ပူးပေါင်းရင်းမြစ်များ

1 Тарих вакъиалары 25:2

Асаф огъулларындан: Закъкъур, Юсуф, Нетанья ве Асарела. Асафнынъ огъуллары Асафнынъ огюнде джевапкяр эдилер, Асаф озю исе падиша огюнде джевапкяр эди.

2 Тарих вакъиалары 13:12

Бизим башлыгъымыз – Алла. Онынъ руханийлери сизлерге къаршы янъгъырагъан боразанларда телюке сигналы чалалар. Эй, Исраиль огъуллары! РАББИнен, бабаларынъызнынъ Алласынен дженклешменъиз! Сиз ич бир вакъыт енъмезсинъиз!

2 Тарих вакъиалары 5:12

Левийли йырджыларынынъ да эписи: Асаф, Хеман, Едутун, оларнынъ огъуллары ве къардашлары, индже кетенден япылгъан урбалар кийип, зиллер, арфа ве сантырларнен къурбан ерининъ шаркъ тарафында тура эдилер, оларнынъ янында 120 руханий боразан чала эди.

Нехемья 11:17

дува кечиргенде шукюрлер окъугъанларнынъ башлыгъы Маттанья (Маттанья – Микъанынъ огълу, Микъа – Завдийнинъ огълу, Завдий – Асафнынъ огълу эди) ве онынъ экинджи къардашы Бакъбукъя, Авда (Авда – Шаммуанынъ огълу, Шаммуа – Гъалалнынъ огълу, Гъалал – Едутуннынъ огълу эди).

Нехемья 12:34

Ехуда, Биньямин, Шемая, Йирмея,

Нехемья 12:36

ве онынъ къардашлары Шемая, Азарел, Милалай, Гилалай, Маай, Нетанэл, Ехуда ве Хананий Алланынъ адамы Давутнынъ чалгъы алетлерини котерип кеттилер, оларнынъ огюнде Узеир кятип кетти.

Нун огълу Ехошуа 6:4

Олар къой бойнузындан ясалгъан бору чалгъанда, сиз бору сесини эшиткенинъизде, бутюн халкъ юксек сеснен къычырсын. О заман шеэр диварлары ерге йыкъылырлар, ве халкъ бирден эр тарафтан шеэрге кирер, – деди.