Нехемья 12:27 - Мукъаддес Китап

²⁷ Ерусалим диварыны багъышлагъанда, левийлилерни эр ерден чагъырттылар ве оларгъа Ерусалимге кельмеге буюрдылар. Олар диварны багъышламагъа, къуванмагъа, шукюрлернен ве макътавларнен йырламагъа ве зиллер, арфа ве сантырда чалмагъа керек эдилер.

Нехемья 12:27 ပူးပေါင်းရင်းမြစ်များ

2 Падишалар 6:12

Давуткъа: «РАББИ Озюнинъ Сандыгъы хатири ичюн Овед-Эдомнынъ союна ве онынъ бутюн барлыгъына берекет берди», – дегенде, Давут барып, Овед-Эдомнынъ эвинден Алланынъ Сандыгъыны Давут Шеэрине тантаналы суретте кечирди.

3 Падишалар 8:63

Сулейман, РАББИге аманлыкъ къурбанлары оларакъ, 22 000 тувар ве 120 000 къой-эчкилерни къурбан чалды, ве, бойле этип, падиша ве Исраиль огъулларынынъ эписи РАББИнинъ Эвини азиз эттилер.

1 Тарих вакъиалары 13:8

Давут ве исраиллилер исе Алланынъ огюнде бар кучюнен чалгъы чалып, йырлап, сантыр, арфа, дарелер ве зиллерде, эм де боразан чалып кете эдилер.

1 Тарих вакъиалары 15:12

оларгъа: – Сизлер левийли къоранталарынынъ башлыкъларысынъыз. Озюнъиз де, агъа-къардашларынъыз да элялланынъыз. РАББИнинъ, Исраиль Алласынынъ Сандыгъыны мен азырлагъан ерге кетиринъиз.

1 Тарих вакъиалары 15:16

Давут левийлилернинъ башлыкъларына, озьлери йырджы къардашларыны чалгъы алетлеринен, арфа, сантыр ве зиллер чалып, къуванч тюркюлерини юксек сеснен йырламагъа къойсун деп, буюрды.

1 Тарих вакъиалары 15:28

Бойле этип, бутюн Исраиль къуванчнен къычырышып, бору, боразан, янъгъырагъан зиллер, арфа ве сантыр чалып, РАББИнинъ Васиет Сандыгъыны алып келе эди.

1 Тарих вакъиалары 15:4

Сонъра Давут Харун огъулларыны ве левийлилерни чагъырды:

1 Тарих вакъиалары 16:42

Хеман ве Едутун оларнен берабер эди. Олар, РАББИни шуретлемек ичюн керек олгъан боразан, зиллер ве башкъа чалгъы алетлерине джевапкяр эдилер. Едутуннынъ огъуллары исе къапуджылар эдилер.

1 Тарих вакъиалары 16:5

Асафны башлыкъ оларакъ, ондан сонъ Зекъарьяны, Еиэлни, Шемирамотны, Ехиэлни, Маттитьяны, Элиавны, Бенаяны, Овед-Эдомны ве Еиэлни арфа ве сантырларда чалмагъа, Асафны исе зиллерде чалмагъа,

1 Тарих вакъиалары 23:5

4 000 къапуджы олмакъ керек эди, ве 4 000 адам Давут яптыргъан чалгъы алетлеринде чалып, РАББИни шерефлемек керек эди.

1 Тарих вакъиалары 26:31

Къоранталарнынъ джедвелине коре, Хеврон союнда Ерия хевронлыларнынъ башлыгъы эди. Давут падишалыгъынынъ къыркъынджы йылында оларны сайгъан эдилер, ве Гиладдаки Язерде оларнынъ арасындан джесюр аскерлер тапылды.

2 Тарих вакъиалары 29:25

Падиша РАББИнинъ Сарайында левийлилерни зиллер, арфалар ве сантырларынен берабер ерлештирди. Буны падиша Давут, онынъ гизли шейлерни бильген адамы Гъад ве Натан пейгъамбер буюргъан эдилер. РАББИ буны Озь пейгъамберлери ярдымынен буюрды.

2 Тарих вакъиалары 29:30

Сонъ Хизкия падиша ве башлыкълар левийлилерге РАББИни Давутнынъ ве гизли шейлерни бильген Асафнынъ сёзлеринен макътамагъа буюрды. Олар да къуванчнен РАББИни макътадылар ве тиз чёкип, ергедже эгильдилер.

2 Тарих вакъиалары 5:13

Йырджылар да, боразан чалгъанлар да бирдай олып, бир сеснен РАББИни макътай ве Онъа шукюр эте эдилер. Боразанларнынъ, зиллернинъ ве чалгъы алетлерининъ сеси янъгъырады, ве оларнынъ эписи: «РАББИ хайырлыдыр, ве Онынъ буюк севгиси эбедийдир!» – деп РАББИни макътадылар. Сонъ булут бутюн Эвни, РАББИнинъ Сарайыны толдурды.

2 Тарих вакъиалары 7:6

Руханийлер озь хызмет ерлеринде тура эдилер. Левийлилер, РАББИге йырламакъ ичюн япылгъан чалгъы алетлеринен тура эдилер. Давут падиша бу алетлерни, РАББИни макътамакъ ичюн, япкъан эди ве олардан файдаланып: «РАББИнинъ буюк севгиси эбедийдир!» – деп, РАББИни макътагъан эди. Оларнынъ къаршысында руханийлер боразан чала эдилер, бутюн исраиллилер исе аякъ устюнде тура эдилер.

Узеир 6:16

Бундан сонъ Исраиль огъуллары, руханийлер, левийлилер ве эсирден къайтып кельген башкъалары да буюк къуванчнен Алланынъ Сарайыны азиз эттилер.

Нехемья 11:20

Къалгъан исраиллилер, руханийлер ве левийлилер Ехуданынъ эписи шеэрлеринде, озь топракъ пайында яшай эдилер.

Нехемья 12:43

Алла оларгъа буюк къуванч багъышлады, ве о куню олар чокъ къурбанлар кетирдилер ве пек къувандылар. Эм къадынлар ве балалар къувандылар, ве Ерусалимнинъ къуванчы узакъкъа эшитильди.

Нехемья 8:17

Сюргюнликтен къайтып кельген бутюн джемаат чалашлар япып, чалашларда яшады. Нуннынъ огълу Ехошуанынъ кунюнден шу куньге къадар Исраиль огъуллары ойле япмагъан эди. Эр кес буюк къуванч ичинде эди.

Зебур 149:3

Оюнгъа тюшип Онынъ Адыны макътасынлар, даре ве сантыр чалып, Онъа йырласынлар!

Зебур 30:1

Баш чалгъыджы ичюн. Давутнынъ зебуры.

Къануннынъ текрары 16:11

ве Алланъ олгъан РАББИнинъ огюнде шенълен. Сен, огълунъ, къызынъ, хызметчи акъайларынъ ве апайларынъ, ерлеринъизде яшагъан левийлилер, аранъызда ят халкълардан олгъанлар, оксюзлер ве тул апайлар, Намы олсун деп, Алланъ олгъан РАББИ сайлайджакъ ерде шенъленинъиз.

Къануннынъ текрары 20:5

Реберлер ордугъа бойле айтсынлар: «Ким янъы эв къурып, анда яшап башламагъан? О адам эвине къайтсын. Ёкъса о барып, дженк мейданында эляк олур, ве эвинде башкъасы яшар.

Филиплердекилерге 4:4

Раббиде олып, эр вакъыт къуванынъыз! Даа айтам: къуванынъыз!

Сырларнынъ ачылувы 5:8

О, бурулгъан кягъытны алгъанда, дёрт айван ве йигирми дёрт акъсакъал Къозунынъ алдына ерге йыкъылдылар. Эр бирининъ къолунда арфа ве алтын чанакълар бар эди. Чанакълар къокъулы миске, азизлернинъ дуваларына толу эди.