Нехемья 11:3 - Мукъаддес Китап

³ Ерусалимде яшагъан виляет башлыкълары будыр. Исраиллилер, руханийлер, левийлилер, Сарай хызметчилери ве Сулейман къулларынынъ эвлятлары Ехуда шеэрлеринде, эр бири озь еринде, озь шеэрлеринде яшай эди.

Нехемья 11:3 ပူးပေါင်းရင်းမြစ်များ

Узеир 2:1

Вавилон падишасы Невукъаднеццар Вавилонгъа сюргюн эткен ерлерден чыкъкъан, Ерусалимге ве Ехудагъа, эр бири озь шеэрине къайткъан виляет адамлары будыр.

Узеир 2:43

Сарай хызметчилери: Циха огъуллары, Хасуфа огъуллары, Таббаот огъуллары,

Узеир 2:70

Руханийлер ве левийлилер, халкъ ве йырджылар, къапуджылар ве Сарай хызметчилери озь шеэрлеринде яшап башладылар, исраиллилернинъ эписи озь шеэрлеринде яшамагъа башлады.

Нехемья 11:20

Къалгъан исраиллилер, руханийлер ве левийлилер Ехуданынъ эписи шеэрлеринде, озь топракъ пайында яшай эдилер.

Нехемья 11:4

Ехуда огъуллары ве Биньямин огъуллары исе Ерусалимде яшай эдилер. Ехуда огъуллары: Атая (Атая – Уззиянынъ огълу, Уззия – Зекъарьянынъ огълу, Зекъарья – Амарьянынъ огълу, Амарья – Шефатьянынъ огълу, Шефатья – Махалалэлнинъ огълу, Махалалэл – Перец огъулларындан эди),

Нехемья 7:39

Руханийлер: Ешуанынъ союндан Едаянынъ огъуллары – 973,

Нехемья 7:43

Левийлилер: Ешуанынъ огъуллары (Къадмиэлнинъ ве Ходеванынъ огъулларындан) – 74.

Нехемья 7:46

Сарай хызметчилери: Циханынъ огъуллары, Хасуфанынъ огъуллары, Таббаотнынъ огъуллары,

Нехемья 7:6

Мына эсирликтен къайткъан виляет адамлары. Вавилон падишасы Невукъаднеццар оларны сюргюн эткен эди. Олар Ерусалимге ве Ехудагъа, эр кес озь шеэрине къайтып кельдилер.

Нехемья 7:7

Булар Зеруббавел, Ешуа, Нехемья, Азарья, Раамья, Нахаманий, Мордекъай, Билшан, Мисперет, Бигвай, Нехум ве Баананен берабер кельдилер. Исраиль халкъы акъайларынынъ сайысы:

Нехемья 7:73

Бойлеликнен, руханий ве левийлилер, къапуджы ве йырджылар, халкъ акъайлары ве Сарай хызметчилери, бутюн Исраиль де озь шеэрлеринде яшап башладылар.