Нахум 2:5 - Мукъаддес Китап

⁵ О, озь батырларыны чагъыра, амма олар ёлунда сюрюнелер. Шеэр диварларына чыкъмагъа ашыкъалар, амма шеэр энди алкъагъа алынды.

Нахум 2:5 ပူးပေါင်းရင်းမြစ်များ

Ешая 21:5

Софраны донаттылар, килимлерни джайдылар, ашап-ичип башладылар. «Эй, башлыкълар! Турунъыз, къалкъанларынъызны ягъланъыз!»

Ешая 5:27

Олар не такъаттан кесиледжек, не йыкъыладжакъ, не юкъусырайджакъ, не де юкълап къаладжакъ. Къушакълары беллеринден тюшмейджек, аякъкъапларынынъ багълары йыртылмайджакъ.

Йирмея 46:12

Халкълар масхаралыгъынъ акъкъында эшиттилер, къычырувларынъ ер юзюни толдурды! Кучьлю аскерлер сюрюнди, ерге йыкъылдылар.

Йирмея 50:29

Вавилонгъа къаршы эписи окъчуларны чагъырынъыз! Онынъ чевресинде ордунен ерлешинъиз, андан кимсе къачып къуртулмасын. Ишлерине коре акъларыны беринъиз, о, насыл арекет эткен олса, онъа да айнысыны япынъыз. О, РАББИге, Исраильнинъ Азизине къаршы арсызлыкънен котерильди.

Нахум 2:6

Озенлерни токътаткъан къапулар ачыла, ве сарай йыкъыла.

Нахум 3:18

Эй, Ашшур падишасы! Сенинъ ёлбашчыларынъ юкълай, мырзаларынъ раатлана, халкъынъ дагъларда дагъылды, оны топлайджакъ киши ёкъ.

Нахум 3:3

Атлылар чапа, къылыч парылдай, мызракълар ялтырай. Чокътан-чокъ олюлер, оба-оба джесетлер ята. Олюлернинъ сайысы ёкъ, адамлар юргенде, олюлерге сюрюне.

Хавакъкъукъ 1:8

Оларнынъ атлары леопардлардан тез, акъшам чыкъкъан къашкъырлардан вахшийдир. Атлар туякъларынен ерни ура, атлылары узакълардан келелер, авына атылгъан къартал киби, учып келелер.