Нахум 2:13 - Мукъаддес Китап

¹³ – Мен санъа къаршы чыкътым, – дей Ордуларнынъ РАББИси. – Дженк арабаларынъны якъаджагъым, арслан балаларынъ къылычнен ольдюриледжек. Энди сен ер юзюнде авгъа чыкъмайджакъсынъ, эльчилеринънинъ сеси башкъа эшитильмейджек.

Нахум 2:13 ပူးပေါင်းရင်းမြစ်များ

4 Падишалар 18:17

Ашшур падишасы озь башкоманданыны, баш везирини ве орду башыны буюк ордусынен берабер Лакиш шеэринден падиша Хизкиягъа Ерусалимге ёллады. Олар Ерусалимге кельди. Келип, юкъары хавуздан акъкъан арыкъ янында токътадылар. О ер, токъумаларны ювып къуруткъан тарлагъа баргъан ёлундадыр.

4 Падишалар 18:19

Орду башы оларгъа бойле деди: – Хизкиягъа айтынъыз: Ашшурнынъ улу падишасы бойле дей: Сен кимге ишанасынъ?

4 Падишалар 19:23

Эльчилеринънен Раббини ашаладынъ ве: «Чокътан-чокъ арабаларымнен дагъларнынъ тёпесине, Ливаннынъ къаяларына чыкътым, юксек кедр тереклерини кестим, энъ яхшы кипарислерини кестим. Онынъ энъ тёрюне кельдим, багъынынъ гурь ерине кирдим.

4 Падишалар 19:9

Падиша, Хуш падишасы олгъан Тирхакъа акъкъында: «Мына, о санъа къаршы дженклешмеге чыкъкъан», – деген сёзлерни эшитти. Падиша кене Хизкиягъа эльчилер ёллап, бойле деди:

2 Тарих вакъиалары 32:19

Олар Ерусалимнинъ Алласы акъкъында айткъанда, дюнья халкъларнынъ аллалары, инсан къолунен япылгъан аллалар акъкъында киби айта эдилер.

Зебур 46:9

Алла халкъларнынъ Падишасы олды; Алла мукъаддес тахтына отурды!

Йирмея 21:13

Эй, вадийде яшагъан, тюзлюктеки къая! Мен санъа къаршым! – дей РАББИ. – «Бизге къаршы ким чыкъаджакъ, эвлеримизге ким киреджек?» – дейсинъиз.

Йирмея 46:14

– Мысырда хабер этинъиз, Мигдолда бильдиринъиз, Ноф ве Тахпанхес шеэрлеринде бильдиринъиз! «Турунъыз, азырланынъыз, къылыч чевре-четинъни ашай», – айтынъыз!

Йирмея 50:31

– Бакъ, Мен санъа къаршы чыкъам, эй, макътанчакъ! – дей Ордуларнынъ РАББИ-ТААЛЯсы. – Сенинъ кунюнъ, джеза вакътынъ кельди.

Йирмея 51:25

– Мен санъа къаршым, эй, олюм дагъы! – дей РАББИ. – Сен бутюн ерни гъайып эткенинъ ичюн, санъа къаршы къолумны котеририм, сени къаялардан ашагъы авдарырым, якъылгъан бир дагъгъа чевиририм.

Ехезкель 13:8

Шунынъ ичюн РАББИ-ТААЛЯ шойле дей: – Сизинъ бош сёзлеринъиз ичюн, корьген ялан руяларынъыз ичюн Мен сизлерге къаршы чыкъам. – РАББИ-ТААЛЯ бойле дей.

Ехезкель 21:3

Исраиль топрагъына бойле айт: РАББИ шойле дей: Бакъ, Мен санъа къаршы чыкъаджагъым, къындан къылычымны чыкъараджагъым ве сенинъ догъру адамларынъны да, яман адамларынъны да ёкъ этеджегим.

Ехезкель 26:3

Шунынъ ичюн РАББИ-ТААЛЯ шойле дей: «Эй, Тир, Мен санъа къаршы чыкъаджагъым. Денъизнинъ далгъалары насыл котерильсе, ойле де Мен чокъ халкъларны санъа къаршы котереджегим.

Ехезкель 28:22

ве шойле айт: РАББИ-ТААЛЯ шойле дей: Эй, Сидон, Мен санъа къаршым. Сенинъ ичинъде Мен нам къазанаджагъым. Сени джезалагъанда, азиз олгъанымны косьтергенде, адамлар Мен – РАББИ олгъанымны биледжеклер.

Ехезкель 29:10

Мен санъа ве сенинъ озенлеринъе къаршы оладжагъым. Мигдол шеэринден Севене шеэринедже, тап Хушнынъ сынъырларына къадар Мысыр топрагъыны бакъымсыз къуру сахрагъа чевиреджегим.

Ехезкель 29:3

Оларгъа бойле айт: РАББИ-ТААЛЯ шойле дей: – Фыравун, Мысыр падишасы! Мен санъа къаршым! Сен озенлернинъ ичинде яткъан буюк джанаварсынъ. Сен: «Нил дерьясы менимки, мен оны озюме яптым», – дейсинъ.

Ехезкель 35:3

Онъа бойле айт: РАББИ-ТААЛЯ шойле дей: Сеир дагъы, Мен санъа къаршым! Къолумны санъа къаршы узатаджагъым, сени бакъымсыз йыкътырылгъан ерлерге чевиреджегим.

Ехезкель 38:3

бойле айт: РАББИ-ТААЛЯ шойле дей: – Мен санъа къаршым, эй, Рошнынъ, Мешекнинъ ве Тувалнынъ ёлбашчысы Гог!

Ехезкель 39:1

– Инсан огълу! Гоггъа къаршы пейгъамберлик эт де, бойле айт: РАББИ-ТААЛЯ шойле дей: – Эй, Рошнынъ, Мешекнинъ ве Тувалнынъ ёлбашчысы Гог! Мен санъа къаршым.

Ехезкель 5:8

РАББИ-ТААЛЯ бойле дей: «Энди Мен Озюм сизлерге къаршы чыкъаджагъым. Къомшу халкъларнынъ козю огюнде Мен сизлерни джезалайджагъым.

Нахум 2:12

Арслан, озь балаларыны тойдурмакъ ичюн, чокъ парчалады, хырсызлады, ыргъачылары ичюн чокъ богъды, озь къобасыны авгъа толдурды, яшагъан ерлерини парчалангъан этке толдурды.

Нахум 3:1

Къан тёккен шеэрге беля! О, ялангъа ве ягъмагъа толу, мында ягъмаджылыкъ токътамай.

Нахум 3:12

Сенинъ къалелеринъ пишкен инджир мейваларына толу терекке бенъзей: эгер оны сильксенъ, ашамагъа истегеннинъ агъзына догъру тюшеджек.

Нахум 3:15

Сени анда атеш ашап битиреджек, къылыч сени кеседжек. Озюнъ тыртыр я да сарынчкъа киби чокъ олсанъ да, атеш тыртырларгъа ошап, сени ашайджакъ.

Нахум 3:5

– Мен санъа къаршы чыкъам! – дей Ордуларнынъ РАББИси. – Урбаларынънынъ этегини бетинъе котерип, халкъларгъа аврет ерлеринъни корьсетеджегим, айыбынъны падишалыкъларгъа ачаджагъым.

Нун огълу Ехошуа 11:6

РАББИ Ехошуагъа: – Олардан къоркъма. Ярын, къарарнен бу вакъытта, Мен оларнынъ эписини Исраильнинъ къолуна ольдюрильмек ичюн берерим. Атларнынъ дамарларыны кесип ташла, ат арабаларыны якъ, – деди.

Нун огълу Ехошуа 11:9

РАББИ насыл айткъаны киби, Ехошуа ойле де япты: атларынынъ дамарларыны кесип ташлады, ат арабаларыны исе якъты.