Нахум 2:10 - Мукъаддес Китап

¹⁰ Шеэрни чайпай, бошата, ёкъ этелер. Юреклер ирий, тизлер къалтырай. Эр кеснинъ бедени агъыра, эр кеснинъ бети къарара.

Нахум 2:10 ပူးပေါင်းရင်းမြစ်များ

Башланув 1:2

Ер юзю шекильсиз ве бош эди, теренликни къаранлыкъ къаплай эди, ве сувларнынъ устюнден Алланынъ Руху учып юре эди.

Ешая 14:23

– Онынъ топрагъыны кирпилерге береджегим, батакълыкъкъа чевиреджегим, орталыкъны йыкъаджагъым, сипиркинен киби сипиреджегим, – дей Ордуларнынъ РАББИси.

Ешая 21:3

Шунынъ ичюн белимни аджджы агъры тутты, дерди туткъан къадын киби, дерттен чекишем. Эшиткенимден мен пек кедерлендим, корьгенимден пек къасеветлендим.

Ешая 24:1

Иште, РАББИ ер юзюни хараплайджакъ ве бош этеджек, ер юзюнинъ корюнишини денъиштиреджек, устюнде яшагъанларны дагъытаджакъ.

Йирмея 30:6

Соранъыз да, бакъынъыз, акъай киши бала тапып олурмы? Ойле олса, не ичюн догъгъан апай киби эр акъайнынъ къолларыны беллеринде корем? Не ичюн чырайлар ап-акъ кесильди?

Йирмея 49:23

Дамаск акъкъында. Хамат ве Арпад шеэрлери масхара олды; яман бир хабер эшитип, рухтан тюштилер, далгъалангъан денъиз дайын, тынчланып оламайлар.

Йирмея 51:62

– ве айт: «Я РАББИ! Бу ерни ёкъ этеджегинъни, ичинде не инсан, не айван къаладжагъыны, о ер эбедиен бакъымсыз оладжагъыны айттынъ».

Йирмея 8:21

– Халкъым къызынынъ янгъанындан мен де янам, агълайым, къоркъугъа далдым.

Ехезкель 21:7

Олар сенден: «Сен нечюн агълайсынъ?» – деп сорагъанда, оларгъа бойле джевап бер: «Къоркъунчлы бир шей якъынлаша. Эр бир юрек ирийджек, эр бир эль кучьсюз къаладжакъ, эр бир адам рухтан тюшеджек, эр бир тиз сийдиктен сылакъ оладжакъ». Бу шей якъынлаша, ве бу шейлер мытлакъа оладжакътыр, – дей РАББИ-ТААЛЯ.

Ехезкель 31:15

РАББИ-ТААЛЯ шойле дей: Кедр тереги олюлер дюньясына кеткен кунюни Мен агълав куню яптым. Мен ерасты теренликни къапаттым, озенлерни токътаттым, буюк сувларгъа акъмагъа ёл бермедим. Мен Ливангъа къаранлыкъ ёлладым, ве бутюн дагъ тереклери сарарды-солдылар.

Даниял 5:6

О вакъыт падишанынъ чырайы денъишти, онынъ тюшюнджелери оны шашырдылар, онынъ бель багъламлары такъаттан кесильдилер, тизлери де бири-бирине урунып башладылар.

Ёэль 2:6

Оларнынъ огюнде халкълар къоркъудан дёрт буклене, эр кеснинъ бети агъара.

Нахум 2:2

Душманлар Исраильни ве Якъупны хараплагъан олсалар да, юзюм пытакъларыны сыдырып алгъаны киби, оларнынъ барлыгъыны тартып алгъан олсалар да, РАББИ эм Исраильнинъ шерефини, эм Якъупнынъ шерефини гъайрыдан тиклейджек.

Нахум 3:7

Сени корьген эр ким сенден къачып: – Ниневе харап олды! Оны ким аджыйджакъ? Сенинъ гонълюнъни аладжакъ кимни тапайым? – дейджек.

Цефанья 3:6

Мен халкъларны ёкъ эттим, оларнынъ къалелерини йыкътым, сокъакъларыны бом-бош эттим, энди кимсе шу сокъакълардан юрмей. Оларнынъ шеэрлери виран этильди, бакъымсыз олды, анда яшагъан адам къалмады.

Нун огълу Ехошуа 2:11

Буны эшиткенимизден сонъ, отьлеримиз патлады ве сизге къаршы турмакъ ичюн кимсе джесюрлик тапалмады. Алланъыз олгъан РАББИ – тёпедеки коклернинъ ве ашагъыдаки ер юзюнинъ Алласыдыр.

Нун огълу Ехошуа 7:5

Ай сакинлери исраиллилернинъ отуз алты адамыны ольдюрип, шеэр къапуларындан башлап, Шеваримге къадар исраиллилерни къуваладылар, дагъдан тюшкен вакъытларында оларны ольдюрдилер. Бу себептен халкъ кедерленди ве рухтан тюшти.