Матта 9:4 - Мукъаддес Китап

⁴ Иса исе оларнынъ фикирлерини билип: – Сиз не ичюн юреклеринъизде бойле яман фикирлер тутасыз? – деди.

Матта 9:4 ပူးပေါင်းရင်းမြစ်များ

Зебур 139:2

Я РАББИ, мени яман адамлардан къуртар, залым инсанлардан мени сакъла!

Ехезкель 38:10

РАББИ-ТААЛЯ шойле дей: – О куню акълынъа яман тюшюнджелер келеджек, ве сен ярамай ишлер япмагъа ниетленеджексинъ.

Матта 12:25

Оларнынъ фикирлерини билип, Иса деди: – Озь ичинден болюнген эр бир падишалыкъ йыкъылып бошар. Озь ичинде болюнген эр бир шеэр я да эв аякъта туралмаз.

Марк 12:15

Иса, оларнынъ экиюзьлюлигини корип: – Мени не ичюн сынайсыз? Бир динар кетиринъиз, бир бакъайым, – деди.

Марк 2:8

Иса бир кереден Озь рухунен оларнынъ фикирлерине далды да, оларгъа шойле деди: – Сизинъ юреклеринъиздеки тюшюнджелер недир!

Лука 11:17

Лякин Иса, оларнынъ фикирлерини билип: – Озь ичинден болюнген эр бир падишалыкъ йыкъылып бошар, озь ичинден болюнген эв де йыкъылып кетеджек.

Лука 5:22

Иса оларнынъ не тюшюнгенлерини билип: – Сизинъ юреклеринъиздеки тюшюнджелер недир!

Лука 6:8

Иса исе, оларнынъ фикирлерини билип, къолу сакъат адамгъа: – Тур! Мында, ортагъа чыкъ! – деди. Адам турды.

Лука 7:40

Иса ферисеге айланып: – Симон, санъа бир айтаджакъ шейим бар, – деди. – Айт, Оджам, – деди о.

Юхан 16:19

Иса, шегиртлери Ондан бу шейлер акъкъында сорамагъа истегенлерини билип, деди: – «Бираздан Мени корьмейджексиз, бираздан да кене Мени кореджексиз», – деген сёзлерим акъкъында деп сорашасызмы?

Юхан 16:30

– Шимди билемиз ки, Сен эр шейни билесинъ ве ич бир адамгъа Сенден сорамакънынъ кереги ёкъ. Шунынъ ичюн биз Сен Алладан кельгенинъе инанамыз.

Юхан 21:17

Сонъ учюнджи кере Пётрдан сорады: – Юхан огълу Симон, сен Мени севесинъми? Озюнден учюнджи кере: «Мени севесинъми?» – деп сорагъанына Пётрнынъ джаны агъырды. – Рабби! Сен эр шейни билесинъ, мен Сени севгенимни де билесинъ, – деди Пётр. Иса онъа шойле деди: – Къойларымны ашат!

Юхан 6:61

Иса ичинде шегиртлерининъ мырылдагъаныны билип: – Сёзлерим сизни ёлдан урамы?

Юхан 6:64

Лякин аранъызда имансыз къалгъанлар да бар, – деди. Ким имансыз олгъанларыны ве ким Оны сатаджагъыны Иса башындан биле эди.

Фаалиет 5:9

Пётр: – Сиз не ичюн Алланынъ Рухуны сынап бакъмагъа анълаштынъыз? Мына, шимди къапу янында акъайынъны дефн эткенлернинъ адымлары эшитилелер. Энди сени де тышарыгъа алып чыкъаджакълар, – деди.

Сырларнынъ ачылувы 2:23

Онынъ балаларыны ольдюреджегим, ве о вакъытта бутюн иманлылар джемиетлери биледжеклер ки, Мен адамларнынъ эм акъылларыны, эм юреклерини сынайым, эр биринъизге озь ишине коре береджегим.