Матта 9:26 - Мукъаддес Китап

²⁶ Бу адисе акъкъында хабер шу ернинъ бутюн этрафларына даркъалды.

Матта 9:26 ပူးပေါင်းရင်းမြစ်များ

Матта 4:24

Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди.

Матта 9:31

Амма олар кетип, Онынъ акъкъында хаберни бутюн этрафларда даркъаттылар.

Марк 1:28

Онынъ акъкъында хабер бутюн Галилея топракъларына тез-тез даркъалды.

Марк 1:45

Амма о адам кетип, озюнен олгъан вакъианы орталыкъкъа даркъатып башлады. Нетиджеде, Иса энди шеэр ичине ачыкъ кирип оламайып, адамсыз ерлерде къала эди. Лякин адамлар Онъа анда да эр ерден келе эдилер.

Марк 6:14

‌Иса акъкъында Ирод падиша эшитти. Исанынъ намы белли олды, ве адамлар Онынъ акъкъында: «Сувгъа Батырыджы Ягъя тирильди! Шунынъ ичюн онда аджайип шейлер япмагъа кучю бар», – айта эдилер.

Лука 4:14

Иса Мукъаддес Рухнынъ къудретинен Галилеягъа къайтып кельди. Онынъ акъкъында хабер бутюн этрафларда даркъалды.

Лука 4:37

Онынъ акъкъында хабер бутюн этрафларгъа даркъалды.

Лука 5:15

Иса акъкъындаки лафлар эп чокълаша эди. Оны динълемек ве хасталыкъларындан къуртулмакъ ичюн, халкъ Онъа топнен келе башлады.

Лука 7:17

Иса акъкъында бу хабер бутюн Еудие ве онынъ этрафларына даркъалды.

Фаалиет 26:26

Падиша буны бильгени ичюн, онен джесаретнен лаф этем. Бу вакъиалардан ич бириси онынъ назарындан къачмады, деп тюшюнем. Бу шейлер эписининъ козю огюнде япылгъан эди.