Матта 8:6 - Мукъаддес Китап

⁶ – Эфендим, меним хызметчим эвде пек къыйналып ята, оны паралич урды, – деди.

Матта 8:6 ပူးပေါင်းရင်းမြစ်များ

Матта 4:24

Онынъ шурети бутюн Суриеге даркъалды. Исанынъ алдына тюрлю хасталыкъларнен ве агъыр дертлернен чекишип юргенлерни, джин ургъанларны, паралич ургъанларны ве тутарыкъ хасталарыны кетире эдилер. Иса оларнынъ эписини тедавийлей эди.

Матта 8:7

Иса онъа: – Мен барып, оны тедавийлерим, – деди.

Матта 9:2

Шу арада Онынъ алдына тёшекте яткъан бир адамны котерип кетирдилер. Оны паралич ургъан эди. Иса, хастаны кетирген адамларнынъ иманыны корип, онъа: – Джесюр ол, огълум, гуналарынъ багъышланды! – деди.

Фаалиет 10:7

Онен лаф эткен мелек кеткен сонъ, Корнелий эки хызметчисини ве озюнинъ аскер ярдымджысыны, диндар бир адамны чагъырды.

Фаалиет 8:7

Чокъ адамлардан арам рухлар кучьлю сеснен къычырып чыкъа эдилер, чокъ паралич ургъанлар ве сакъатлар тедавийлене эдилер.

Фаалиет 9:33

О ерде секиз йылдан берли тёшегинден турмагъан Айнея адлы бир паралич ургъан адамны корьди.

Колоссайлыларгъа 3:11

Мында шимди не юнан бар не еудий, не сюннетли бар не сюннетсиз, не варвар бар не скиф, не къул бар не азат, лякин тек Месих бар. О – эр шей ве эр шейдедир.

Колоссайлыларгъа 4:1

Эфендилер, къулларынъызнен догъру ве адалетли олунъыз. Билесиз ки, сизинъ де коклердеки Эфендинъиз бар.

1 Тимотейге 6:2

Эгер бир къулнынъ эфендиси иманлы олса, эфендиси дин къардашы олса да, къул онъа урьмет косьтерсин. Къуллар даа чокъ тырышып, хызмет этсинлер, чюнки иманлы ве севимли дин къардашлары бу хайырлы хызметтен файда корелер. Буны огрет ве буюр.

Филимонгъа 1:16

Лякин энди о, къул киби дегиль, къулдан юкъары, севимли дин къардаш оларакъ сеннен берабер оладжакъ. О меним севимли дин къардашым, даа зияде о сенинъ де севимли дин къардашынъ, эм адам киби, эм Раббиге инангъан къардаш киби.