Матта 7:6 - Мукъаддес Китап

⁶ Мукъаддес олгъан шейни копеклерге берменъиз – олар устюнъизге атылып, сизни парчаларлар. Инджилеринъизни домузлар огюне сепменъиз – оларны таптап ташларлар.

Матта 7:6 ပူးပေါင်းရင်းမြစ်များ

Икметли сёзлер 11:22

Акъыл-ферасеттен эксик апайнынъ дюльберлиги – домуз бурнундаки алтын алкъа.

Икметли сёзлер 23:9

Акъылсызнен лаф этме, о, сенинъ акъыллы сёзлеринъни бир шей ерине корьмез.

Икметли сёзлер 26:11

Къускъагъына къайткъан копек киби, ахмакълыгъында инатлангъан акъылсыз адам да ойледир.

Икметли сёзлер 26:4

Акъылсызгъа ахмакълыгъына коре джевап къайтарма, ёкъса сен де о киби ахмакъ олурсынъ.

Матта 15:26

– Балалардан отьмекни алып, копеклерге ташламакъ яхшы дегиль, – деди Иса.

Матта 24:10

Чокъ адам иманындан вазгечеджек, бир-бирини сатаджакъ, бир-бирини кореджек козьлери олмайджакъ.

Матта 7:5

Эй, экиюзьлю! Башта агъачны озь козюнъден чыкъарып ал да, сонъ чёпни къардашынънынъ козюнден насыл чыкъараджагъынъны корерсинъ.

2 Коринтлилерге 11:26

Чокъ кере ёлгъа чыкъа эдим. Озенлерде, айдутлардан, сойдашларымдан да, башкъа миллетлерден де телюкеде къалдым. Шеэрде телюке, сахрада телюке, денъизде телюке, ялан агъа-къардашлар арасында телюкеге огърадым!

Филиплердекилерге 3:2

О копеклерден сакът олунъыз! Яманлыкъ япкъанлардан сакът олунъыз! Беден кескенлерден де сакът олунъыз!

Еудийлерге 10:29

Тюшюнинъиз, эгер кимдир Алланынъ Огълуны таптаса, оны азиз эткен васиетнинъ къаныны азизлик деп саймаса, хайырлы Рухны яманласа, о, не къадар агъыр джезагъа ляйыкъ сайыладжакъ!

Еудийлерге 6:6

лякин бундан сонъ имандан къайтса, оларны кене тёвбе эттирип тюзетмеге чаре ёкъ. Бойле адамлар Алланынъ Огълуны янъыдан хачкъа мыхлайлар ве масхара этелер.

2 Пётр 2:22

Лякин мына бу ишанчлы аталар сёзю оларгъа келише: «Копек озь къускъанына къайтыр» ве «Ювундырылгъан домуз балчыкъ ичинде юварланыр».

Сырларнынъ ачылувы 22:15

Тышарыда исе пис шейлерни япкъан адамлар, джадылар, ороспулар, адамларны ольдюргенлер, путперестлер, яланны севген ве ялан айткъанлар къаладжакълар.