Матта 7:4 - Мукъаддес Китап

⁴ Насыл этип, къардашынъа: «Бер, козюнъдеки чёпни чыкъарып алайым», – дейсинъ? Бакъса, сенинъ козюнъде агъач бар!

Матта 7:4 ပူးပေါင်းရင်းမြစ်များ

Икметли сёзлер 26:7

Акъылсызнынъ агъзындан чыкъкъан икметли сёз топал адамнынъ юрюшине ошар.

Матта 23:24

Эй, кёр етекчилер! Чиркийни ичимлигинъизден сюзип ташлап, девени ютасыз!

Матта 7:3

Сен не ичюн къардашынънынъ козюндеки чёпке бакъасынъ, озь козюнъде исе агъачны корьмейсинъ?

Матта 7:5

Эй, экиюзьлю! Башта агъачны озь козюнъден чыкъарып ал да, сонъ чёпни къардашынънынъ козюнден насыл чыкъараджагъынъны корерсинъ.

Лука 6:42

Сен озь козюнъдеки агъачны корьмей турып, насыл ола да къардашынъа: «Кель, къардашым, козюнъдеки чёпчюкни чыкъарайым», – дейсинъ? Эй, экиюзьлю! Башта агъачны озь козюнъден чыкъар, сонъ чёпни къардашынънынъ козюнден насыл этип чыкъараджагъынъны ачыкъ-айдын корерсинъ.