21 Байлыгъынъ къайда олса, юрегинъ шу ерде де олур.
Эр шейден зияде юрегинъе мукъайт ол, чюнки яшайыш чокъракълары ондандыр.
Сенинъ яшайышынъны къорчалайджакъ, сени бутюнлей къуртараджакъ, акъыл ве бильги береджек. РАББИден къоркъмакъ – энъ къыйметлидир.
– Сенинъ не козьлеринъ, не акъылынъ бар! Сен тек арам къазанчкъа ынтыласынъ, къабаатсыз къанны тёкесинъ, зулум ве зорбалыкъ япасынъ.
Эй, Ерусалим, къуртулмакъ ичюн, юрегинъни яман шейлерден темизле. Къара ниетлеринъ ичинъде даа не къадар къаладжакъ?
Эй, йыланлар сойлары! Сиз яман олып, яхшы сёзлерни насыл айтып олурсынъыз? Адамнынъ юрегинде не олса, оны тили айта!
Козь – беденнинъ нурудыр. Эгер сенинъ козюнъ сагълам олса, бутюн беденинъ де ярыкъкъа толу олур.
Байлыгъынъыз къайда олса, шу ерде юрегинъиз де оладжакъ.
Бу иште сенинъ не акъкъынъ, не къысметинъ бар, чюнки Алланынъ огюнде юрегинъ догъру дегиль.
Биз козьге корюнген шейлерге дегиль, козьге корюнмеген шейлерге тикленип бакъамыз, чюнки корюнген шей кечиджи, корюнмеген исе эбедийдир.
Мен, Павел, буны озь къолумнен язам: мен тёлерим. Лякин сен де озюнъни манъа борджлу олгъанынъны акълынъа кетирмеге керекмей.
Алла Бабамыз ве Рабби Иса Месих сизге эйилик ве тынчлыкъ-аманлыкъ берсин!
Эй, дин къардашларым, мукъайт олунъыз, ич биринъизде яман ве имансыз бир юрек олмасын, Тири Алладан вазгечменъиз.
