Матта 6:13 - Мукъаддес Китап

¹³ Бизге ёлдан урулмагъа берме, яманлыкътан къорчала.

Матта 6:13 ပူးပေါင်းရင်းမြစ်များ

Башланув 22:1

Бу вакъиалардан сонъ, бир кунь Алла Ибраимни сынады. – Ибраим! – деди Алла. – Мен мындам, – деди о.

3 Падишалар 1:36

Ехояда огълу Беная падишагъа джевап берип: – Эфендим падишанынъ Алласы олгъан РАББИ дегени киби олсун, амин!

1 Тарих вакъиалары 16:36

РАББИге, Исраильнинъ Алласына эбедиен, бутюн асырларда бинъ шукюрлер олсун! Сонъ бутюн халкъ: «Амин! РАББИге макътав олсун!» – деди.

1 Тарих вакъиалары 29:11

Я РАББИ, улулыкъ, къудрет, шереф, гъалебе ве шан Сенинъкидир! Коклерде ве ер юзюндеки эр шей Сенинъки! Сен, РАББИ, Падишасынъ! Сен эр шейден Юджесинъ!

1 Тарих вакъиалары 4:10

Явец Исраильнинъ Алласыны чагъырып: «РАББИм! Манъа Озь эйилигинъни косьтергейдинъ, топрагъымнынъ сынъырларыны кенишлеткейдинъ, меним янымда олгъайдынъ, мени къорчалагъайдынъ, мен дерт чекмегейдим!» – деди. Сонъ РАББИ Явецке тилегини берди.

Зебур 47:2

РАББИ улудыр! Алламызнынъ шеэринде, Онынъ азиз дагъында Онъа чокъ макътавлар олсун!

Зебур 47:7

Догъаяткъан къадыннынъ агърысы киби, о ерде оларны къоркъу ве азап къаплады.

Зебур 72:19

Апансыздан олар гъайып олды, оларнынъ сонъу кельди, къоркъунчлы белялар оларны къаплады.

Чыкъыш 15:18

РАББИ асырлар боюнджа ве эбедиен падишалыкъ этеджектир!

Икметли сёзлер 30:8

Бош шейлерни ве яланны менден узакълаштыр, мени не фукъаре, не де зенгин эт, тек керек олгъан ашны бер манъа.

Йирмея 15:21

– Яман адамлардан сени сакълайджагъым, душман къолундан сени къуртараджагъым.

Йирмея 28:6

бойле деди: – Амин, ойле олсун! РАББИ буны япсын, сенинъ айткъанынъны беджерсин! РАББИнинъ Эвиндеки савутларынен бутюн сюргюн этильгенлерни Вавилондан мында къайтарсын!

Даниял 4:25

Невукъаднеццар падишанен буларнынъ эписи олды.

Даниял 7:18

Олардан сонъ Юдже Алланынъ азизлери падишалыкъны аладжакъ ве эбедиен падишалыкъны тутаджакълар.

Сайылар 5:22

Къаргъыш кетиреджек бу сув сенинъ ичинъе кирсин ве къурсагъынъны шиширсин, къарынынъны бошатсын». О заман апай: «Амин, ойле де олсун», – десин.

Матта 26:41

– Сынавдан кечмек ичюн, козь-къулакъ олып, дува окъунъыз. Рух джесюр, беден исе такъатсыз!

Матта 5:37

Сенинъ айткъан сёзюнъ тек «эбет» ве «ёкъ» олсун. Эбет олса – эбет олсун, ёкъ олса – ёкъ олсун. Бундан башкъасы яман Шейтандан келе.

Матта 6:10

Сенинъ Падишалыгъынъ кельсин! Кокте олгъаны киби, ерде де Сенинъ ираденъ олсун!

Юхан 17:15

«Оларны дюньядан ал», – демейим, лякин «Оларны яманлыкътан къорчала», – дейим.

1 Коринтлилерге 10:13

Башынъызгъа кельген сынавлар – адий инсаний сынавлардыр. Алла ишанчлыдыр, О, кучюнъизден зияде сынавгъа тюшмеге ёл бермез, амма сынав вакътында агъыр вазиеттен чыкъаргъан ёлны косьтерир.

1 Коринтлилерге 14:16

Эгер сен тек Рухнен Аллагъа шукюр этсенъ, буны анъламагъан адам сенинъ шукюр дуванъа насыл «Амин» дейджек? О, сенинъ не айткъанынъны бильмей де!

2 Коринтлилерге 1:20

Алла не къадар сёз берген олса, Месих эбет-эбет эр бир шейни ерине кетирди. Шунынъ ичюн биз Аллагъа шукюр этип, Месихнинъ Адынен «Амин» деймиз.

Галатиядакилерге 1:4

Иса Месих, Алланынъ ве Бабамызнынъ истегенине коре, бизни шимдики яман замандан къуртарайым деп, Озюни бизим гуналарымыз ичюн берди.

Къануннынъ текрары 8:16

сени юваш юрекли этип сынамакъ ве сонъундан сизге яхшылыкъ япмакъ ичюн, сахрада санъа деделеринъиз бильмеген маннаны ашаткъан.

Къануннынъ текрары 8:2

Мына РАББИ-Тааля сахра бою сизни энди 40 йыл девамында алып барды. Бутюн бу ёлны акъылынъызда тутунъыз. РАББИ сизни юваш юрекли этмек, сынамакъ ве юреклеринъизде олгъаныны, Онынъ эмирлерини сакълайджакъсызмы-ёкъмы бильмек ичюн, шу шейни япты.

1 Тессалоникелилерге 1:10

ве Онынъ олюлерден тирильген Огълунынъ коклерден келеджегини, Алланынъ келеяткъан гъазабындан бизни къуртаргъан Исаны беклемеге башладынъыз.

2 Тессалоникелилерге 3:3

Рабби ишанчлыдыр. О, сизлерни къуветлештиреджек ве ямандан сакълайджакъ.

1 Тимотейге 1:17

Асырларнынъ Падишасына, эбедий яшайджакъкъа, козьнен корюльмегенге, бирден-бир Аллагъа эбедиен шан-шурет олсун! Амин.

Еудийлерге 11:36

Башкъалары мыскъылларгъа ве котеклерге, эм де зынджырларгъа ве зинданларгъа даяна эдилер.

1 Пётр 5:8

Айыныкъ ве козь-къулакъ олунъыз. Душманынъыз Шейтан, окюрген арслан киби, юре ве биревни ютмакъ ичюн къыдыра.

2 Пётр 2:9

Бундан анълашыла ки, иманлыларны сынавлардан насыл къуртармагъа, джезагъа суд этильген инсафсызларны исе джеза кунюнедже насыл сакъламагъа Рабби биле.

1 Юхан 3:8

Гуна ичинде яшагъан адам – Шейтандандыр. Шейтан башындан берли гуна япып тура. Алланынъ Огълу исе Шейтаннынъ ишлерини ёкъ этмек ичюн пейда олды.

Сырларнынъ ачылувы 1:18

Мен тирим. Ольген эдим, амма бакъ, энди Мен эбедиен тирим. Менде олюлерни тирильтмеге кучю бар, Манъа олюлернинъ дюньясынынъ къапусыны ачып олгъан анахтарлары берильгендир.

Сырларнынъ ачылувы 19:1

Ондан сонъ кокте буюк бир къалабалыкъкъа ошагъан кучьлю сеслерни эшиттим: – Эльхамдюлилля! Алла – Къуртарыджымыздыр! О, шуретли ве къудретлидир!

Сырларнынъ ачылувы 19:4

Шу вакъытта йигирми дёрт акъсакъал ве дёрт айван озьлерини ерге ташлап: – Амин! Эльхамдюлилля! – деп, тахтта отургъан Аллагъа ибадет эттилер.

Сырларнынъ ачылувы 2:10

Башынъа тюшеджек азаплардан къоркъма. Мына, Шейтан сизлерни сынамакъ ичюн, аранъыздан базыларны алып, тюрьмеге ташлайджакъ, ве он кунь къадар сиз азап чекеджексиз. Ольгендже садыкъ къал, ве о вакъыт Мен санъа яшайыш берерим, о, санъа тадж дайын олур.

Сырларнынъ ачылувы 21:4

Алла оларнынъ козюндеки эр бир козьяшны силеджек, ве энди олюм олмайджакъ. Гъам да, агълав да, агъры да олмаз. Эвельки шейлер кечип кетти.

Сырларнынъ ачылувы 3:10

Сен Меним сабыр этмеге буюргъанымны беджердинъ, шунынъ ичюн Мен сени бутюн ер юзюнде яшагъанларны сынамакъ ичюн келеджек белядан сакъларым.

Сырларнынъ ачылувы 3:14

Лаодикеядаки иманлылар джемиетининъ мелегине яз: «Алланынъ истегини беджерген, ишанчлы ве акъикъий Шаат, Алла яраткъан эр бир шейнинъ Башлыгъы бойле дей:

Сырларнынъ ачылувы 5:13

Кокте ве ер юзюнде, эм де ер тюбюнде ве денъизде эр бир яшагъан айван, эр бир яратылгъан джан бойле дегенини эшиттим: – Тахтта Отургъан Аллагъа ве Къозугъа эбедиен бинъ шукюрлер, шан-шурет ве къудрет олсун!