Матта 5:48 - Мукъаддес Китап

⁴⁸ Бойледже, Коктеки Бабанъыз киби, сиз де мукеммель олунъыз.

Матта 5:48 ပူးပေါင်းရင်းမြစ်များ

Башланув 17:1

Ибрам 99 яшында олгъанда, онъа РАББИ келип: – Мен – Къудретли Алладырым. Козюм огюнде ачыкъ яшап, къусурсыз ол.

2 Падишалар 22:31

Алланынъ ёлу къусурсыздыр! РАББИнинъ сёзю къавийдир! Онъа умют багълагъанларнынъ эписини О, къорчалай!

Левийлилер 11:44

Мен – РАББИм, сизинъ Алланъыз. Озьлеринъизни азиз этинъиз. Азиз олунъыз, чюнки Мен азизим. Ер юзюнде сюйрекленген махлюкънынъ себебинден джанынъызны арамламанъыз.

Левийлилер 19:2

– Исраиль джемаатына бойле айт: Азиз олунъыз, чюнки Мен, РАББИ, сизинъ Алланъыз – азизим.

Левийлилер 20:26

Меним огюмде азиз олунъыз, чюнки Мен, РАББИ – азизим. Сиз Менимки олунъыз деп, Мен сизлерни башкъа халкълардан айырдым.

Матта 5:16

Ойле де, сизинъ нурунъыз инсанлар огюнде парылдасын, олар исе яхшы ишлеринъизни корип, Коклердеки Бабанъызны шуретлесинлер.

Матта 5:45

Ана ондан сонъ Коклердеки Бабанъызнынъ огъуллары олурсынъыз. О, Озь кунешине эмир эте, ве кунеш эм яхшы адамлар, эм яман адамлар устюне догъа. Алла инсафлылар ве инсафсызлар устюне ягъмур ягъдыра.

Матта 5:47

Эгер сиз тек дин къардашларынъызгъа селям берсенъиз, бунен буюк иш яптынъызмы? Аллагъа инанмагъанлар да бойле япмайлармы?

Лука 6:36

Бабанъыз мераметли олгъаны киби, сиз де мераметли олунъыз.

Лука 6:40

Шегирт озь оджасындан юкъары олмаз. Амма окъувынынъ сонъуна еткен эр бир шегирт оджасы киби олур.

2 Коринтлилерге 13:11

Ахыр-сонъу, дин къардашларым, къуванынъыз, къусурсыз олмагъа гъайрет этинъиз, бири-биринъизни юреклендиринъиз, тюшюнджелеринъизде бир олунъыз, аманлыкъны сакъланъыз. О вакъыт сизлернен севги ве аманлыкъ берген Алла олур.

2 Коринтлилерге 13:9

Бизлер къуветсиз, сизлер исе къуветли олгъанынъызгъа севинемиз. Сизлер къусурсыз оладжагъынъыз ичюн дува окъуймыз.

2 Коринтлилерге 7:1

Севимли дин къардашларым, Алладан бойле буюк сёзлерни алгъан сонъ, беденимизни ве рухумызны арам эткен эр бир шейден озюмизни темизлейик, Алладан къоркъып, бутюнлей азиз олайыкъ.

Эфеслилерге 3:1

Шу себептен мен, Павел, сиз ичюн, еудий олмагъан халкълар ичюн, Иса Месихнинъ мабюси олдым…

Къануннынъ текрары 18:13

Алланъыз олгъан РАББИнинъ огюнде къусурсыз ол.

Къануннынъ текрары 27:10

Алланъ олгъан РАББИнинъ сесини динълемек ве мен санъа бугунь буюргъан эмирлерни ве низамнамелерни тутмакъ керексинъ, – дедилер.

Колоссайлыларгъа 1:28

Бу Месихни биз илян этемиз, эр бир адамгъа акъыл огретемиз ве бутюн икметимизнен эр бир адамны тербиелеймиз. Бунынъ макъсады – эр бир адамны Месихте мукеммель этмектир.

Колоссайлыларгъа 4:12

Иса Месихнинъ къулу, сизлерден бириси олгъан Эпафрас, сизлерге селям ёллай. Сизлер къатты турып, Алланынъ сизлерден не истегенини къатты бильгенинъиз ичюн, Эпафрас эр вакъыт сиз ичюн гъайретнен дува окъуй.

Якъуп 1:4

Сабыр исе бол берекет кетирсин, о вакъыт сизлер ич бир шейден эксик олмайып, эр тарафтан яхшы ве къусурсыз оладжакъсынъыз.

1 Юхан 3:3

О, насыл элял олса, Онъа бойле умют багълагъан эр бир адам да эляллана.