Матта 5:27 - Мукъаддес Китап

²⁷ Сиз: «Аиле садыкълыгъыны бозма», – денильгенини эшиттинъиз.

Матта 5:27 ပူးပေါင်းရင်းမြစ်များ

Чыкъыш 20:14

Аиле садыкълыгъыны бозма.

Икметли сёзлер 6:32

Зина эткен адам акъылдан эксик, буны япкъан адам озь джаныны гъайып эте.

Левийлилер 18:20

Башкъа адамнынъ апайынен ятма. Ёкъса сен урлугъынъны йиберип, арамланырсынъ.

Левийлилер 20:10

Бир акъай аиле садыкълыгъыны бозып, башкъа къадыннен я да башкъа акъайнынъ апайынен ятса, эм аиле садыкълыгъыны бозгъан адам, эм къадын мытлакъа ольдюрильсин.

Матта 5:21

Баба-деделерге: «Адамнынъ джаныны алма!» ве «Ким адамны ольдюрсе, махкемеде къабаатлы сайыладжакъ», – денильгенини эшиттинъиз.

Матта 5:33

Даа баба-деделерге: «Берген антынъны бозма. Раббинъ алдында ант эткенинъни ерине кетир», – денильгенини эшиттинъиз.

Матта 5:38

‌Сиз: «Козь ичюн козь ве тиш ичюн тиш», – денильгенини эшиттинъиз.

Матта 5:43

‌Сиз: «Якъынынъны сев ве душманынъдан нефретлен», – денильгенини эшиттинъиз.

Къануннынъ текрары 5:18

Аиле садыкълыгъыны бозма.