Матта 4:16 - Мукъаддес Китап

¹⁶ Къаранлыкъта яшагъан халкъ буюк ярыкъ корьди! Олюм топрагъында, олюм саесинде яшагъан адамлар ичюн ярыкъ парылдады.

Матта 4:16 ပူးပေါင်းရင်းမြစ်များ

Эюп акъкъында китап 10:22

зульмет мемлекетине, зифт къаранлыкъкъа, олюм кольгесине, тек къалабалыкъ олгъан ерге, ярыкъ зульмет киби олгъан ерге кетмезден эвель, озь алыма къалдыр мени.

Эюп акъкъында китап 3:5

О кунь къаранлыкънынъ ве олюм кольгесининъ къысмети олгъайды, булутлар оны къаплагъайды, къаранлыкъ о куннинъ отюни патлаткъайды.

Эюп акъкъында китап 34:22

Акъсызлыкъ япкъанларнынъ сакъланып оладжакъ не къаранлыгъы, не де олюм кольгеси бардыр.

Ешая 9:1

Кечкен заманда Зевулун ве Нафталий топрагъы ашаланды, амма келеджек заманда денъиз ёлу, Иорданнынъ башкъа тарафында яткъан мемлекет ве халкълар яшагъан Галилея шуретли оладжакъ.

Ешая 9:2

Къаранлыкъта юрген халкъ буюк ярыкъ корьди! Олюм топрагъында, олюм кольгесинде яшагъан адамлар ичюн ярыкъ парылдады.

Йирмея 13:16

РАББИни, сизинъ Алланъызны шуретленъиз! Бир кунь О, къаранлыкъ ёллайджакъ, къараргъан дагъларда аякъларынъыз сюрюнип башлайджакъ. Сиз ярыкъ беклейджексиз, Рабби исе оны олюм кольгесине, къою къаранлыкъкъа чевиреджек.

Амос 5:8

Алла Улькер ве Орион йылдыз такъымларыны яраткъан. О, зифт къаранлыкъны саба ярыгъына чевире, куньдюзни геджеге айландыра, денъиз сувларыны чагъырып, оларны ер юзюне тёке. Онынъ Ады – РАББИдир!

Микъа 7:8

Эй, душманым, меним устюмден кульме! Йыкъылсам биле, аякъкъа турарым. Къаранлыкъта олсам биле, РАББИм манъа ярыкъ оладжакъ.

Лука 2:32

О – башкъа миллетлерни ярыкълатаджакъ Нурдыр, Сенинъ Исраиль халкъынънынъ шуретидир.