Матта 28:3 - Мукъаддес Китап

³ Онынъ корюниши яшынгъа ошай, урбалары исе къар киби бем-беяз эди.

Матта 28:3 ပူးပေါင်းရင်းမြစ်များ

Зебур 104:4

РАББИни ве Онынъ къудретини къыдырынъыз, Онынъ юзюни эр вакъыт аранъыз!

Даниял 7:9

Мен бакъкъанда, тахтлар къоюлды, ве эвель-эзельден Бар Олгъан ерине отурды. Урбалары – къар киби беяз, башындаки сачлар – юнь киби ап-акъ эди. Тахты – атеш ялыны, копчеклери – къызгъын атеш кибидир.

Матта 17:2

Исанынъ бутюн корюниши оларнынъ козьлери огюнде денъишти: Онынъ бети кунеш киби парылдады, урбасы исе козь къамаштырып бем-беяз олды.

Матта 28:4

Къобаны къаравуллагъан аскерлер къоркъудан къалтырадылар ве ольген киби олдылар.

Марк 16:5

Къабир ичине кирип, устюнде узун беяз урбасы олгъан бир йигитни онъ тарафта отургъаныны корьдилер ве пек шаштылар.

Марк 9:3

Онынъ урбасы йылтырап, къар киби беяз олды, ер юзюнде ич бир адам урбаны бойле агъартып оламаз эди.

Юхан 20:12

Анда беяз урба кийген эки мелекни корьди. Бири Исанынъ бедени яткъан ернинъ башы уджунда, экинджиси исе аякъ уджунда отура эди.

Фаалиет 1:10

Иса котерильген сонъ, эльчилер бакъып тургъанда, оглеринде апансыздан беяз урба кийген эки адам пейда олды.

Сырларнынъ ачылувы 10:1

Сонъ мен коктен тюшеяткъан, булуткъа сарылгъан башкъа кучьлю бир мелекни корьдим. Онынъ башы устюнде кок къушагъы бар эди. Бети, кунеш киби, йылтырай, аякълары, атеш колонналары киби, эди.

Сырларнынъ ачылувы 18:1

Ондан сонъ башкъа бир мелекнинъ коктен тюшеяткъаныны корьдим. О, буюк акимлик саиби олып, онынъ шуретинден ер юзю ярыкъланды.