Матта 27:60 - Мукъаддес Китап

⁶⁰ ве озюнинъ къаяда оюлгъан янъы къабринде дефн этти. Къабирнинъ агъзыны балабан бир ташнен къапатып, кетти.

Матта 27:60 ပူးပေါင်းရင်းမြစ်များ

Башланув 50:5

«Бабам мени емин эттирип, бойле деди: “Мен о бир дюньягъа кетем. Мени Ханаан топрагъында олгъан, озюме эвельден азырлап къойгъан къабримде дефн эт. Мени анда дефн эт”. Шимди мен кетип, бабамны дефн этмеге ве сонъ къайтып кельмеге разылыкъ сорайым».

Ешая 22:16

Мында сенинъ не акъларынъ бар? Сой-сопларынъдан мында ким бар? Озюнъе мында дюрбе япмагъа не акъкъынъ бар? О озюне юксекте дюрбе япты, къая ичинде мескен азырлады.

Ешая 53:9

Оны яман адамларнен мезаргъа къоймагъа ниетлендилер, лякин зенгиннинъ янында джыйылгъан эди. О ич бир яман шейни япмады, агъзындан ялан чыкъмады.

Матта 27:59

Юсуф джесетни алып, темиз кетен безге сарды

Матта 27:66

Олар барып, къабир ташына муурь бастылар ве къабирни къорумагъа къаравулларны къойдылар.

Матта 28:2

Бирден кучьлю зельзеле олды. Бу Алланынъ мелеги коктен энди ве къабирнинъ янына барып, ташны четке авдарды ве устюне отурды.

Лука 24:2

Анда келип, къабирнинъ агъзыны къапаткъан ташнынъ четке сюрип ташлангъаныны корьдилер.

Юхан 11:38

Исанынъ руху кене чорланды. Иса къабирге кельди. Къабир бир къоба ичинде олып, онынъ агъзына таш къоюлгъан эди.

Юхан 11:41

Сонъра адамлар ташны четке чектилер. Иса исе козьлерини кокке котерип: – Баба, Мени эшиткенинъ ичюн Санъа шукюр, – деди.

Юхан 19:41

Иса хачкъа мыхлангъан ерде бир багъча бар эди. О багъчада даа ич бир кимсе дефн этильмеген янъы къабир бар эди.

Юхан 20:1

‌Афтанынъ биринджи куню саба эрте, даа къаранлыкъ олгъанда, магдалалы Мерьем къабирнинъ янына келип, къабир агъзындаки ташнынъ авдарылгъаныны корьди.