Матта 27:29 - Мукъаддес Китап

²⁹ Тикенлерден тадж орип, башына такътылар. Онъ къолуна таякъ берип, Онынъ алдында тиз чёктилер ве: – Яшасын еудийлернинъ Падишасы! – деп масхара эттилер.

Матта 27:29 ပူးပေါင်းရင်းမြစ်များ

Ешая 49:7

Исраильни сатын алгъан РАББИ, Азиз Алла, масхара олгъангъа, халкъларнынъ кореджек козю олмагъангъа, падишаларнынъ къулуна бойле дей: – Ишанчлы РАББИ, сени сайлагъан Исраильнинъ Азизи ичюн, падишалар сени корип, аякъкъа тураджакълар, сенинъ огюнъде башлыкълар ерге тюшеджеклер.

Ешая 53:3

Адамлар Оны ашалады, Ондан башыны чевирди. Азап чеккен, чокъ хасталыкъ корьген акъай эди. Бизлер Ондан бетимизни чевире эдик, адамлар Оны ашалады, ве биз Оны адам ерине саймай эдик.

Йирмея 20:7

– Мени алдаттынъ, я РАББИ, мен алдандым; менден кучьлю олып, мени енъдинъ. Эр кунь устюмден кулелер, эр кес мени мыскъыллай.

Матта 20:19

Масхара этмек, къамчыламакъ ве хачкъа мыхламакъ ичюн, Оны Аллагъа инанмагъан адамларгъа береджеклер. Учюнджи куню исе О, тириледжек, – деди.

Матта 26:49

Сонъра о, Исанынъ къаршысына кельди ве: – Мераба, Равви! – деп, Оны опьти.

Матта 27:37

Онынъ башы тёпесинде: «Бу – Иса, еудийлернинъ Падишасы», – деп, къабаатыны косьтерген языны къойдылар.

Марк 15:17

Исанынъ устюне мор тюслю урба кийдирдилер ве башына тикенден орюльген тадж кечирдилер.

Марк 15:18

Сонъ: – Яшасын еудийлернинъ Падишасы! – деп къычырдылар.