Матта 27:11 - Мукъаддес Китап

¹¹ ‌Иса исе акимнинъ огюнде турды. Аким Ондан: – Еудийлернинъ Падишасы Сен оласынъмы? – деп сорады. – Буны сен озюнъ айтасынъ, – деди онъа Иса.

Матта 27:11 ပူးပေါင်းရင်းမြစ်များ

Матта 10:18

Меним Адым ичюн сизни акимлер ве падишаларнынъ алдына алып бараджакълар. Сиз оларнынъ огюнде ве Алланы бильмеген халкъларнынъ огюнде Меним шаатларым оладжакъсыз.

Матта 10:25

Шегирт озюнинъ оджасы киби, хызметчи эфендиси киби олсалар, етерлик. Эгер эв саибини Беэльзебул адынен адландырсалар, эв сакинлери акъкъында даа бетер сёзлер айтмазлармы?

Матта 2:2

Тылсымджы алимлер: – Янъы догъгъан еудийлернинъ Падишасы къаерде? Биз шаркъта Онынъ йылдызыны корьдик, шунынъ ичюн Онъа бель букмеге кельдик, – дедилер.

Матта 26:25

О вакъытта Исагъа хиянетлик япаджакъ Иуда сорады: – Равви, о мен дегильдирим я? – Буны сен айтасынъ, – деди Иса.

Матта 26:64

Иса онъа: – Озюнъ айттынъ. Сизге даа айтам: бундан сонъ Инсан Огълу Къудретли Алланынъ онъ тарафында отургъаныны ве коктеки булутлар устюнде кельгенини кореджексиз, – деди.

Марк 14:62

Иса: – Меним, – деди. – Инсан Огълу Къудретли Алланынъ онъ тарафында отургъаныны ве коктеки булутларнен берабер кельгенини кореджексиз.

Лука 22:70

О вакъыт эписи бирден: – Демек, Сен Алланынъ Огълусынъмы? – деп сорадылар. – Мен О экенимни озюнъиз айтасыз, – деди оларгъа Иса.

1 Тимотейге 6:13

Эписине омюр берген Алланынъ огюнде ве Понтий Пилаткъа Озь иманыны ачыкътан косьтерген Иса Месихнинъ огюнде санъа буюрам: