Матта 26:31 - Мукъаддес Китап

³¹ ‌Шу арада Иса шегиртлерине: – Бу гедже эпинъиз Меним ичюн ёлдан уруладжакъсыз. Языда шойле язылгъан: Чобанны урып йыкъсам – сюрюдеки къойлар да дагъытыладжакъ.

Матта 26:31 ပူးပေါင်းရင်းမြစ်များ

Зебур 38:11

Сенден котек ашамамны четлештир, ураджакъ къолунъдан мен ёкъ олам.

Зебур 88:18

Оларнынъ къувети – Сенсинъ, Сенинъ разылыгъынънен бизим союмыз гъалебе къазаныр!

Ешая 53:10

Оны йыкъмагъа РАББИ истеди, Оны чекишмеге ёллады. Джаныны къабаат ичюн къурбаны оларакъ берсе, эвлятлары узакъ йыллар яшайджакълар, Озю исе РАББИнинъ истегини беджереджек.

Агълав йырлары 1:19

Достларымны чагъырам, амма олар мени алдатты; руханийлеримнен акъсакъалларым шеэрлерде гъайып олалар, джанларыны къуртармакъ ичюн аш къыдыралар.

Зекерья 13:7

– Эй, къылыч! Меним чобаныма, Манъа якъын адамгъа къаршы котериль! – дей Ордуларнынъ РАББИси. – Чобанны ур да, къойлар тараф-тараф къачсын. Мен кичик къозуларгъа къаршы чыкъаджагъым.

Матта 11:6

Мен ичюн ёлдан урулмагъан адам бахтлыдыр! – деди.

Матта 26:24

Язылгъаны киби, Инсан Огълу кетеята. Лякин Инсан Огълуны саткъан адамгъа буюк беля оладжакъ! О адам догъмагъан олса, озю ичюн яхшыджа олур эди, – деди.

Матта 26:56

– Лякин буларнынъ эписи, Пейгъамберлернинъ Язылары беджерильмеси ичюн, олды. О вакъытта эписи шегиртлери Исаны къалдырып, къачып кеттилер.

Юхан 16:32

– Мына, ойле вакъыт келеята ве энди кельди ки, эр биринъиз озь тарафынъызгъа къачаджакъсыз, ве Мен бир Озюм олып къаладжагъым. Амма Мен ялынъыз дегилим, чюнки Баба Меннен берабер.