Матта 24:5 - Мукъаддес Китап

⁵ Чокъ адамлар Меним Адым иле келип: «Мен Месихим», – деп, чокъ адамларны алдатаджакълар, – деди.

Матта 24:5 ပူးပေါင်းရင်းမြစ်များ

Йирмея 14:14

РАББИ манъа: – Пейгъамберлер Меним Адымдан ялан пейгъамберлик этелер, – деди. – Мен оларны не ёлладым, не эмир бердим, не де оларгъа бир шей айттым. Олар сизге ялан руяларны, фалджылыкъны, бош шейлерни, юреклерининъ арзуларыны айтып, пейгъамберлик этелер.

Йирмея 23:21

Мен бу пейгъамберлерни ёлламадым, олар озьлери чапып кельдилер. Оларгъа ич бир шей айтмагъа буюрмадым, олар озьлери пейгъамберлик эттилер.

Йирмея 23:25

Меним Адымдан ялан пейгъамберлик эткен пейгъамберлерининъ айткъанларыны эшиттим. «Мен тюш корьдим! Тюш корьдим!» – дейлер.

Йирмея 37:9

РАББИ бойле дей: Озьлеринъизни алдатманъыз, къасдийлилер мындан кетеджек, деп тюшюнменъиз. Олар кетмейджеклер.

Матта 24:11

Чокътан-чокъ ялан пейгъамберлер пейда олып, чокъ адамларны алдатаджакъ.

Матта 24:24

Ялан месихлер ве ялан пейгъамберлер пейда олып, имкяны олса, сайлангъанларны биле ёлдан урмакъ ичюн, буюк аджайип шейлер япаджакълар ве бельгилер косьтереджеклер.

Юхан 5:43

Мен Бабамнынъ Адындан кельдим, лякин сиз Мени къабул этмейсиз. Озь адындан келеджек башкъасыны къабул этерсиз.

Юхан 8:24

Шунынъ ичюн: «Сиз гуналы олып оледжексиз», – дедим сизге. Мен – Одырым. Эгер бунъа инанмасанъыз, гуналы олып оледжексиз.

Юхан 8:28

Иса Озь сёзюни девам этти: – Инсан Огълуны юкъарыгъа котергенинъизде, биледжексиз ки, Мен – Барым ве Озь-Озюмден ич бир шей япмайым. Аксине, Бабам Манъа не огреткен олса, ойле де айтам.

1 Юхан 2:18

Балачыкълар, вакъытнынъ сонъки саати кельди! Сиз Месихнинъ душманы келеяткъаныны эшиткенинъизге коре, шимди Месихнинъ чокъ душманлары пейда олды. Бундан биз сонъки саат кельгенини билемиз.

1 Юхан 2:22

Яланджы кимдир? «Иса – Месих дегиль», – айткъан адам яланджыдыр. Бойле адам Месихнинъ душманы олып, Бабаны ве Онынъ Огълуны инкяр эте.

1 Юхан 4:3

Исаны къабул этмеген эр бир рух Алладан дегиль. Бу – Месих душманынынъ рухудыр. Онынъ келеджегини сиз эшиткен эдинъиз. Мына, о энди дюньядадыр.

Сырларнынъ ачылувы 13:8

Ер юзюнде яшагъанларнынъ эписи, адлары дюнья яратылгъанындан берли къурбан кетирильген Къозунынъ яшайыш китабына язылмагъанлар, айвангъа ибадет этеджек.