Матта 19:4 - Мукъаддес Китап

⁴ Иса оларгъа шойле джевап берди: – Я сиз окъумадынъызмы? Яратыджы тап башындан адамларны эр киши ве къадын киши оларакъ яратты

Матта 19:4 ပူးပေါင်းရင်းမြစ်များ

Башланув 1:27

Алла Озюнинъ къыяфетине коре адамны яратты, оны Алланынъ корюнишине коре яратты: оларны эр киши ве къадын оларакъ яратты.

Башланув 2:18

Сонъ РАББИ-Тааля Озь-Озюне: – Адамгъа янъгъызлыкъ ярашмаз. Мен онъа келишкен бир ярдымджы яратайым, – деди.

Башланув 2:23

Адам: – Бу, меним кемигимден къопкъан кемиктир, джан-джигеримден къопкъан парчамдыр. О, акъайдан алынгъаны ичюн, апай деп адланаджакъ, – деди.

Башланув 5:2

О, оларны эр киши ве къадын киши оларакъ яратты ве оларны багъышлады. Оларны яраткъан куню О, оларгъа «адам» деген ад къойды.

2 Тарих вакъиалары 24:3

Ехояда онъа эки апай алып берди. Олар Ёашкъа огълан ве къызлар догъдылар.

Малакий 2:15

РАББИ акъайнен апайны бир бутюнлик оларакъ яратты ве оларгъа Озь Рухуны берди. Неге? Оларда Алланынъ ёлундан кеткен балалары олсун деп. Онынъ ичюн рухларынъызгъа мукъайт олунъыз, ич биринъиз яшлыгъында эвленген апайына хаинлик этмесин.

Матта 12:3

– Я сиз Давут озю ве онынъ адамлары ач къалгъанда, не япкъанлары акъкъында окъумадынъызмы? – деди оларгъа Иса.

Матта 21:42

Иса оларгъа айтты: – Я сиз Языда: «Къуруджылар келишиксиз деп четке ташлагъан таш бинанынъ темельташы олды. Козюмиз огюнде япылгъан аджайип шей – Алланынъ ишидир!» – денильгенини окъумадынъызмы?

Матта 21:6

Шегиртлер ёлгъа чыкъып, Исанынъ оларгъа буюргъаныны яптылар.

Матта 22:31

Олюлернинъ тирилювини алсакъ исе, Алла сизге айткъаныны окъумадынъызмы?

Марк 12:10

Сиз Языда: «Къуруджылар келишиксиз деп четке ташлагъан таш бинанынъ темельташы олды.

Марк 12:26

Олюлернинъ тирилюви акъкъында сёз юрсетсек, сиз Мусанынъ китабында, Алла Мусагъа янып тургъан чалы ичинден не айткъаныны окъумадынъызмы? Алла онъа: «Мен Ибраимнинъ Алласым, Исхакънынъ Алласым ве Якъупнынъ Алласым», – деген.

Марк 2:25

Иса оларгъа шойле джевап берди: – Сиз Давут падиша ве онынъ адамлары ач ве мухтадж олгъанда не япкъанлары акъкъында окъумадынъызмы?

Лука 10:26

Иса онъа: – Я бу акъта Къанунда не айтылгъан? Сен анда не окъуйсынъ? – деди.

Лука 6:3

Иса оларгъа: – Я сиз, Давут ве онынъ янындакилери ач къалгъанда не япкъанлары акъкъында окъумадынъызмы?