Матта 14:16 - Мукъаддес Китап

¹⁶ Лякин Иса: – Олар кетмесе де олур, сизлер оларгъа аш беринъиз, – деди.

Матта 14:16 ပူးပေါင်းရင်းမြစ်များ

Икметли сёзлер 11:24

Джан-юректен берген джумерт адамгъа даа чокъ бериле, ачкозь адамгъа исе ёкъсуллыкъ келе.

Джемаат башы 11:2

Сенде олгъанындан еди, атта секиз адамгъа пай айырып бер, чюнки ер юзюнде насыл беля оладжагъындан хаберинъ ёкъ.

Матта 14:15

Акъшам тюшкенинен, шегиртлери Онынъ янына келип: – Бу ерде кимсе яшамай экен, эм энди кеч олды. Адамларны йибер, этрафтаки койлерге барып, озьлерине аш сатын алсынлар, – дедилер.

Матта 14:17

– Бу ерде бизде тек беш отьмек ве эки балыгъымыз бар, башкъа бир шей ёкъ, – дедилер Онъа.

Лука 3:11

Ягъя оларгъа: – Кимде эки чифт тюп урбасы олса, мухтадж олгъаннен пайлашсын. Кимнинъ ашы олса, о да бойле япсын, – деди.

Юхан 13:29

Акъча къутусы Иудада олгъаны ичюн, базылары тюшюндилер ки, Иса онъа: «Байрам ичюн бизге керек олгъан шейлерни сатын ал» я да «Фукъарелерге бир шей бер», – деди.