Матта 12:4 - Мукъаддес Китап

⁴ – Алланынъ Эвине кирип, Давут озю ве янындакилери тек руханийлерге ашамагъа мумкюн олгъан теклиф пителерини ашагъанлар.

Матта 12:4 ပူးပေါင်းရင်းမြစ်များ

Чыкъыш 25:30

Столнынъ устюне, Меним козюм огюне даима Меним булунувымны косьтерген пителерни къой.

Левийлилер 8:31

Муса Харунгъа ве онынъ огъулларына бойле деди: – Корюшюв Чадырынынъ кириши янында этни пиширинъиз ве анда азиз этюв сепетиндеки пителернен берабер ашанъыз. Манъа: «Харун ве огъуллары оны ашасын», – деген эмир берильген эди.

Матта 12:3

– Я сиз Давут озю ве онынъ адамлары ач къалгъанда, не япкъанлары акъкъында окъумадынъызмы? – деди оларгъа Иса.

Матта 12:5

Алланынъ Сарайында руханийлер раатлыкъ кунюни бозсалар да, гуналы сайылмагъанлары акъкъында Мусанынъ Къанунында окъумадынъызмы?

Марк 2:26

Авиатар баш руханий олгъан заманда Давут Алланынъ Эвине кирип, тек руханийлерге ашамагъа мумкюн олгъан теклиф пителерини ашагъан ве адамларына да берген.

Лука 6:4

О, Алланынъ Эвине кирип, тек руханийлерге ашамагъа мумкюн олгъан теклиф пителерини алып, озю ашагъан ве янындакилерине де берген, – деп джевап берди.

Еудийлерге 9:2

Чадырнынъ биринджи болюги япылгъан эди. Онынъ ичинде къандиль, стол ве теклиф пителери бар эди. О, «Мукъаддес Ер» деп адландырылгъан эди.

1 Падишалар 21:4

Руханий Давуткъа: – Шимди менде адий отьмек ёкъ, тек азиз отьмегим бар. Эгер акъайларынъ озьлерини къадынлардан узакъ туткъан олсалар, оны ашамагъа мумкюнлер, – деди.

1 Падишалар 21:6

Руханий онъа азиз отьмеклерни берди, чюнки РАББИнинъ булунувыны косьтерген пителерден башкъа отьмек ёкъ эди. Олар РАББИнинъ огюнден алынгъан эдилер, оларнынъ ерине исе энди сыджакъ отьмеклер къоюлгъан эди.