Матта 11:19 - Мукъаддес Китап

¹⁹ Инсан Огълу келип, эм ашай, эм иче, ве олар: «Бу ачкозь ве ичкиджиге бакъынъыз! О – салым топлайыджылар ве гуналыларнынъ досту!» – дейлер. Лякин икмет озь ишлеринен тасдыкълана.

Матта 11:19 ပူးပေါင်းရင်းမြစ်များ

Икметли сёзлер 17:24

Акъыллы адам икметтен козюни алмаз, акъылсыз исе бакъышыны дюньянынъ эр ерине ташлар.

Икметли сёзлер 23:21

Сархошларнен ачкозьлер ёкъсуллашыр, тенбеллик де адамнынъ устюне йыртыкъ урба кийдирир.

Матта 5:46

Эгер сиз тек сизни севген адамларны севсенъиз, Алладан мукяфат беклемек олурмы? Салым топлайыджылар да бойле этмейлерми?

Лука 14:1

Бир раатлыкъ куню Иса ферисе башлыкъларындан бирининъ эвине ашамагъа кельди. Анда адамлар Онынъ артындан дикъкъатнен бакъа эди.

Лука 19:7

Буны корьгенде, базы адамлар мырылдап башладылар: – Иса гуналы адамнынъ эвине барды, – дедилер.

Лука 7:29

Буны эшиткен бутюн халкъ, салым топлайыджылар биле, Алланынъ ёлу догъру, деп, Ягъянынъ алдында сувгъа батырылып чыкътылар.

Юхан 2:2

Тойгъа Иса шегиртлеринен де чагъырылгъан эдилер.

Римлилерге 15:2

Эр биримиз агъа-къардашымызнынъ эйи файдасыны къыдырмагъа ве иманыны къавийлештирмеге керекмиз.

Сырларнынъ ачылувы 7:12

– Амин! Эйилик ве шурет, икметлик, шукюр, шереф, кучь ве къудрет, эбедиен бизим Алламыздадыр! Амин!