Марк 3:20 - Мукъаддес Китап

²⁰ ‌Бундан сонъ Иса эвине къайтты. Анда кене о къадар адам топланды ки, оларгъа бир тилим отьмек ашамагъа биле вакъыт олмады.

Марк 3:20 ပူးပေါင်းရင်းမြစ်များ

Марк 1:45

Амма о адам кетип, озюнен олгъан вакъианы орталыкъкъа даркъатып башлады. Нетиджеде, Иса энди шеэр ичине ачыкъ кирип оламайып, адамсыз ерлерде къала эди. Лякин адамлар Онъа анда да эр ерден келе эдилер.

Марк 2:1

‌Бир къач куньден сонъ Иса кене Къафарнаум шеэрине кельди. Онынъ энди эвде олгъаныны эшитип,

Марк 3:19

ве сонъундан Исагъа хаинлик япкъан Иуда Искариот.

Марк 3:7

Иса шегиртлеринен берабер голь тарафкъа ёл алды. Онынъ артындан Галилея ве Еудиеден пек чокъ адам юрмекте эди.

Марк 3:9

Къалабалыкъта сыкъылып къалмамакъ ичюн, Иса шегиртлерине бир къайыкъ азырламакъ керегини айтты.

Марк 6:31

Иса оларгъа: – Энди тынч ве адамсыз бир ерге барынъыз, бир озюнъиз къалып, раатланынъыз, – деди. Келип-кеткенлернинъ чокълугъындан оларнынъ аш ашамагъа биле вакъты ёкъ эди.

Марк 7:17

Иса, адамларнынъ арасындан чыкъып, эвге кирген сонъ, шегиртлери Ондан бу кинаели икяенинъ манасыны сорадылар.

Марк 9:28

Сонъ, Иса эвге киргенде, шегиртлери, О, бир озю къалгъаныны беклеп: – Не ичюн биз бу джинни къувып чыкъаралмадыкъ? – деп сорадылар.

Лука 6:17

Оларнен ашагъа тюшип, Иса тегиз бир ерде токъталды. Анда Онынъ пек чокъ шегиртлери ве бутюн Еудиеден, Ерусалимден, Тир ве Сидоннынъ, голь бою ерлешкен виляетлеринден кельген чокъ адамлар топлашкъан.