Марк 15:18 - Мукъаддес Китап

¹⁸ Сонъ: – Яшасын еудийлернинъ Падишасы! – деп къычырдылар.

Марк 15:18 ပူးပေါင်းရင်းမြစ်များ

Башланув 37:10

Бу тюшни бабасына ве агъаларына айтып бергенинден сонъ, бабасы оны сёгди: – Не дайын тюштир бу сенинъ корьгенинъ? Мен, ананъ ве агъаларынъ сенинъ къаршынъа келип, санъа седжде этеджекмизми?

Башланув 37:20

– Айдынъыз, шимди барайыкъ да, оны ольдюрейик, къуюгъа атайыкъ, сонъ: «Оны кийик айван ашады», – деп айтайыкъ. Тюшлеринден не олып чыкъаджагъыны корермиз.

Матта 27:29

Тикенлерден тадж орип, башына такътылар. Онъ къолуна таякъ берип, Онынъ алдында тиз чёктилер ве: – Яшасын еудийлернинъ Падишасы! – деп масхара эттилер.

Марк 15:17

Исанынъ устюне мор тюслю урба кийдирдилер ве башына тикенден орюльген тадж кечирдилер.

Марк 15:19

Таякъларнен Онынъ башына урып, бетине тюкюрип ве алдында тиз чёкип, седжде эттилер.

Марк 15:2

Пилат Исадан: – Еудийлернинъ Падишасы Сен оласынъмы? – деп сорады. Иса онъа: – Буны сен озюнъ айтасынъ, – деп джевап берди.

Юхан 19:3

Исанынъ янына келип: – Яшасын еудийлернинъ Падишасы! – деп, Онынъ бетине ура эдилер.