Марк 15:15 - Мукъаддес Китап

¹⁵ Халкънынъ козюне кирмеге истеген Пилат оларнынъ огюне Бараббаны чыкъарып йиберди. Исаны исе къамчылап, хачкъа мыхламакъ ичюн аскерлерге берди.

Марк 15:15 ပူးပေါင်းရင်းမြစ်များ

Зебур 129:3

Раббим, Сен гуналарны эсапкъа алсанъ, ким аякъ устюнде турар?

Зебур 57:11

Инсафлы адам, оларгъа джеза берильгенини корип, къуванаджакъ, ярамайнынъ къаны ичинде аякъларыны юваджакъ.

Икметли сёзлер 29:25

Адамлардан къоркъмакъ – озюнъе къапкъан къоймакъ, лякин РАББИге ишангъан сарсылмаз.

Ешая 50:6

Мени ургъанларгъа аркъамны, сакъалымны алгъанларгъа янакъларымны ачтым. Ашаламакътан ве тюкюриктен бетимни къапатмадым.

Матта 20:19

Масхара этмек, къамчыламакъ ве хачкъа мыхламакъ ичюн, Оны Аллагъа инанмагъан адамларгъа береджеклер. Учюнджи куню исе О, тириледжек, – деди.

Матта 27:26

Бундан сонъ Пилат Бараббаны чыкъарып йиберди, Исаны исе къамчылап хачкъа мыхламагъа эмир берди.

Марк 10:34

Олар Оны масхара этип, Онъа тюкюреджеклер, Оны къамчылайджакълар ве ольдюреджеклер. Амма учюнджи куню О, тириледжек, – деди.

Марк 15:14

Пилат исе: – О не яманлыкъ япты? – деди. Амма олар даа бетер багъырып: – Оны хачкъа мыхлап къой! – дедилер.

Лука 18:33

Оны къамчылап ольдюреджеклер. Амма учюнджи куню О тириледжек, – деди.

Лука 23:16

Мен Оны бир джезалап, бошатып йибереджем, – деди.

Юхан 19:1

О вакъыт Пилат Исаны къамчыламагъа буюрды.

Юхан 19:16

Ахыр-сонъу Пилат Исаны хачкъа мыхламакъ ичюн оларгъа берди. Олар Исаны алып кеттилер.

Фаалиет 24:27

Эки йылдан сонъ Феликснинъ ерине Поркий Фест кельди. Еудийлернинъ мераметини къазанмакъ ичюн, Феликс Павелни къапалы къалдыра эди.

Фаалиет 25:9

Фест, еудийлернинъ мераметини къазанмакъ ичюн, Павелден: – Ерусалимге барып, о ерде меним алдымда бу хусуста укюм этильмеге истейсинъми? – деп сорады.

Галатиядакилерге 1:19

Башкъа эльчилерден мен тек Якъупны, Раббимиз Исанынъ къардашыны, корьдим.

1 Пётр 2:24

О, гуналарымызны Озь беденине юклеп, оларны терекке котерди. Шунынъ ичюн биз гуналардан айырылдыкъ ве инсафлыкънен яшамагъа башладыкъ. Сизни Онынъ яралары тедавийледилер.