Марк 14:44 - Мукъаддес Китап

⁴⁴ Хаин Иуда: «Мен кимни опьсем, сизге керек Адам будыр. Оны якъаланъыз ве яхшы къаравуллап алып кетинъиз», – деп, оларгъа эвельден насыл бельги береджегини айткъан эди.

Марк 14:44 ပူးပေါင်းရင်းမြစ်များ

Чыкъыш 12:13

Сиз олгъан эвлер устюндеки къан бельги олур. Мен къанны корерим ве сизинъ янынъыздан кечип кетерим. Мысыр топрагъыны къыргъанымда, сизни къыргъан фелякет олмаз.

Икметли сёзлер 27:6

Севген адамдан кельген яралар, нефретленген адамнынъ чокъ опюшинден яхшыдыр.

Матта 26:46

Турунъыз, кетейик! Бакъынъыз, Манъа хиянетлик япкъан адам якъынлашты, – деди.

Марк 14:43

‌Шу ань, Иса бу сёзлерни айткъанынен, он экиден бири Иуда пейда олды. Иуданен берабер къылыч ве таякъларнен силялангъан адамлар кельди. Оларны баш руханийлер, Къанун оджалары ве халкънынъ акъсакъаллары ёллагъан.

Марк 14:45

Сонъра о, Исанынъ къаршысына кельди ве: – Равви! – деп, Оны опьти.

Фаалиет 16:23

Оларны пек котеклеген сонъ, зиндангъа ташладылар, зиндан къаравулына яхшы къаравулламагъа буюрдылар.

Филиплердекилерге 1:28

Сизге къаршы чыкъкъанлардан ич де къоркъманъыз. Бу оларнынъ гъайып оладжакъларына, сизинъ исе къуртуладжагъынъызгъа бельгидир. Бу – Алланынъ ишидир,

2 Тессалоникелилерге 3:17

Мен, Павел, озь къолумнен бу селямны язам. Эр бир мектюбимде бу меним бельгимдир. Мен бойле язам.

Нун огълу Ехошуа 2:12

Бойлеликнен, мен сизге мераметлик насыл япкъан олсам, сиз де бабамнынъ эвине бойле мераметлик япаджагъынъызда РАББИнинъ огюнде манъа емин этинъиз.