Марк 10:24 - Мукъаддес Китап

²⁴ Шегиртлер бу сёзлерни эшитип, шашып къалдылар. Иса исе, текрарлап: – Балаларым, Алланынъ Падишалыгъына кирмеге пек агъыр!

Марк 10:24 ပူးပေါင်းရင်းမြစ်များ

Зебур 17:14

РАББИ коклерден гудюрдеди, Юдже Алланынъ сеси котерильди, бурчакъ ве атешли комюр ёллады.

Зебур 52:7

Исраильни къуртармакъ ичюн, ким Сион дагъындан келеджек? Алла Озь халкъыны оларнынъ топрагъына къайтаргъанда, Якъупнынъ сою къуванчнен къычыраджакъ, Исраиль пек севинеджек!

Зебур 62:10

Амма джанымны ёкъ этмеге истеген адамлар ернинъ теренлигине тюшип кетсинлер.

Икметли сёзлер 11:28

Байлыгъына ишангъан йыкъылыр, инсафлы адамлар исе япракъ киби ешерир.

Икметли сёзлер 18:11

РАББИнинъ Ады – къатты къаледир, инсафлы адам онъа чапа ве онда хавфсызлыкъта тура.

Икметли сёзлер 23:5

Энди байлыкъ корьдим, дегенде, о ёкъ олур, къанатланып, къартал киби, кокке учар.

Йирмея 9:23

РАББИ бойле дей: – Акъыллы адам акъыллыгъынен, кучьлю адам къудретинен, бай адам байлыгъынен макътанмасын.

Хавакъкъукъ 2:9

Эвинъни арам алынгъан шейлернен толдурасынъ, белялардан къачмакъ ичюн юванъны юксеклерде къурасынъ. Алынъ фена!

Цефанья 1:18

РАББИнинъ гъазабы кунюнде оларны не кумюшлери, не алтынлары къуртараджакъ. РАББИнинъ ачув атеши бутюн ерни ютаджакъ. РАББИ ер юзюнде яшагъанларнынъ эписини ёкъ этеджек, оларнынъ сонъу апансыздан келеджек.

Матта 19:25

Шегиртлер буны эшитип, джандан тааджиплендилер ве: – Ойле олса, ким къуртарыладжакъ экен? – деп сорадылар.

Марк 1:27

Буны корьгенлер эписи шашып къалдылар. Бир-биринден: – Бу насыл шей? – деп сорай эдилер. – Насылдыр бир яп-янъы огретюв… Онынъ къудрети о къадар буюк ки, О, арам рухларгъа эмир эте, олар исе Онъа бойсуналар.

Марк 10:23

Иса, этрафына козь ташлап, шегиртлерине: – Зенгин адамларгъа Алланынъ Падишалыгъына кирмеге агъыр! – деди.

Лука 16:14

‌Пара севген фериселер буны эшитип, Исаны мыскъыллап башладылар.

Юхан 13:33

Балалар! Мен сизлернен берабер даа аз вакъыт оладжагъым. Мени къыдыраджакъсыз. Еудийлернинъ башлыкъларына айткъаным киби, сизге де айтам: Мен кетеяткъан ерге сиз барып оламайсыз.

Юхан 21:5

– Достлар, сиз балыкъ тутмадынъызмы? – деп сорады Иса олардан. – Ёкъ, – деди олар.

Юхан 6:60

Онынъ чокъ шегиртлери бу лафларны эшитип: – Сёзлеринъ пек къыйындыр! Оларны ким динълейджек? – дедилер.

Галатиядакилерге 4:19

Балаларым, Месих сизлерде пекитильмегендже, сизлерни кене догъураяткъаным киби, къыйналам.

1 Тимотейге 6:17

Бу дюньядаки зенгин адамларгъа буны буюр: олар гъурурланмасын, келип-кеткен зенгинликке дегиль, Аллагъа умют багъласынлар. О, бизге эр шейни бизим кейфленювимиз ичюн бол-бол бере.

1 Юхан 2:1

Балаларым, бу шейлерни, сиз гуна япманъыз деп, язам. Амма бириси гуна япкъан олса, Бабанынъ алдында Къорчалайыджымыз бар – адалетли Иса Месихтир.

1 Юхан 4:4

Балалар, сиз Алладансыз ве оларны енъдинъиз. Ичинъизде олгъан дюньяда олгъандан буюктир.

1 Юхан 5:21

Балалар, путлардан сакъынынъыз.

Сырларнынъ ачылувы 3:17

Сен: “Зенгиним мен, зенгинлештим, ич бир шейге мухтаджым ёкъ”, – дейсинъ, амма сен бахытсыз, заваллы, фукъаре, кёр ве чыплакъ олгъанынъны бильмейсинъ!